The Good German

Iste articlo ye sobre una cinta estausunidense de 2006; ta atros usos, se veiga The Good German (desambigación).

The Good German
Títol	The Good German
Póster d'a cinta.
Ficha tecnica
Dirección	Steven Soderbergh
Dirección artistica	Philip Messina
Producción	Ben Cosgrove Gregory Jacobs
Guión adaptau	Paul Attanasio
Basau en	The Good German, novela de Joseph Kanon (2001)
Musica	Thomas Newman
Fotografía	Peter Andrews (pseudonimo de Steven Soderbergh)
Montache	Mary Ann Bernard (pseudonimo de Steven Soderbergh)
Vestuario	Louise Frogley
Actors	George Clooney Cate Blanchett Tobey Maguire Beau Bridges Tony Curran Leland Orser Jack Thompson Robin Weigert Ravil Isyanov
Datos y cifras
País(es)	Estaus Unius
Anyo	2006
Debantadera	12 de noviembre de 2006 American Cinematheque (Los Angeles, California, Estaus Unius)^[1]
	16 d'aviento de 2006 Estaus Unius (limitau)^[1] 19 de chinero de 2007 Estaus Unius (cheneral)^[1]
Chenero(s)	Cine negro Cine policiaco
Durada	105 min.
Idioma(s)	Anglés Alemán Ruso
Companyías
Productora(s)	Virtual Studios Section Eight
Distribución	Warner Bros. Pictures
Presupuesto	32 millons de dólars
Recauto	6 millons de dólars
Informacions en bases de datos especializadas:

The Good German (títol orichinal en anglés, en aragonés O buen alemán, enguerada en Aragón con o suyo títol traduciu enta lo castellano como El buen alemán) ye una cinta de cine estausunidense de cine negro (cine neonoir) y cine policiaco de l'anyo 2006 dirichida por Steven Soderbergh seguntes un guión adaptau por Paul Attanasio basau en The Good German, una novela de l'autor estausunidense Joseph Kanon publicada en 2001. A banda sonora orichinal d'a cinta estió un treballo de Thomas Newman, y la dirección de fotografía estió a lo cudiau d'o mesmo Steven Soderbergh (con o pseudonimo de Peter Andrews), qui tamién en fació lo montache cinematografico con o pseudonimo de Mary Ann Bernard. Os productors d'a cinta estioron Ben Cosgrove y Gregory Jacobs ta las productoras Virtual Studios y Section Eight. L'elenco d'actors principals d'a cinta ye formau por George Clooney, Cate Blanchett, Tobey Maguire, Beau Bridges, Tony Curran, Leland Orser, Jack Thompson, Robin Weigert y Ravil Isyanov.

A cinta s'ambienta en o Berlín de 1945 dimpués d'a redota d'o Tercer Reich por os Aliaus y la ocupación d'a ciudat por tropas d'os exercitos estausunidense, ruso, britanico y francés y conta una trama que parte d'un asasinato y d'a suya investigación por un periodista militar pero s'entrecruza con una operación militar estausunidense secreta, a clamada Operación Paperclip, que buscaba transportar a los Estaus Unius a cientificos alemans relacionaus con a incheniería aerospacial y la fabricación de codetes ta desembolicar o programa militar y aerospacial estausunidense en privando d'ixos mesmos cientificos a la Unión Sovietica en o marco d'a naixent Guerra Fría. The Good German se rodó en bellas localizacions en California (San Bernardino, estudios d'a Warner Bros. en Burbank, Long Beach, Los Angeles y Pasadena). En a cinta bi ha bellas referencias a la cinta Casablanca (1942, Michael Curtiz) incluyindo-ie o disenyo d'o póster d'a cinta u lo suyo final, que como en Casablanca s'escayece en un aeropuerto. A cinta recibió bels premios y nominacions, en destacando una nominación a lo Premio Oscar a la Millor Banda Sonora Orichinal en a 79^ena edición d'os Premios Oscar u una nominación a l'Onso de Oro d'o Festival Internacional de Cine de Berlín en a suya 57^ena edición.