Back اعظم قصه على الاطلاق (فيلم) ARZ Най-великата история, разказвана някога Bulgarian The Greatest Story Ever Told Catalan The Greatest Story Ever Told CY Die größte Geschichte aller Zeiten German Η ωραιότερη ιστορία του κόσμου Greek The Greatest Story Ever Told English The Greatest Story Ever Told Spanish The Greatest Story Ever Told EU بزرگترین داستان عالم FA
- Iste articlo ye sobre una cinta de cine epico relichioso estausunidense de 1965; ta atros usos, se veiga The Greatest Story Ever Told (desambigación).
The Greatest Story Ever Told (títol orichinal en anglés, en aragonés A historia mas gran mai no contada, enguerada en Aragón con o suyo títol traduciu enta lo castellano como La historia más grande jamás contada) ye una cinta de l'anyo 1965 de cine estausunidense de cine biografico relichioso dramatico historico epico dirichida por George Stevens, David Lean y Jean Negulesco seguntes un guión adaptau por George Stevens y James Lee Barrett (basau en a Biblia y en The Greatest Story Ever Told, una novela publicada en 1949 por Fulton Oursler y Henry Denker), con una banda sonora orichinal d'Alfred Newman, una dirección de fotografía de Loyal Griggs y William C. Mellor y una producción cinematografica de George Stevens ta la suya productora cinematografica George Stevens Productions. A cinta conta con un amplismo elenco d'actors, estando-ne los que interpretan papels principals Max von Sydow, Dorothy McGuire, Charlton Heston, Claude Rains, José Ferrer, Telly Savalas, Martin Landau, David McCallum, Gary Raymond, Donald Pleasence, Michael Anderson Jr., Roddy McDowall, Joanna Dunham, Joseph Schildkraut, Ed Wynn y Sidney Poitier.
The Greatest Story Ever Told conta la vida de Chesús de Nazaret dende la Natividat dica l'Ascensión. Prencipia cuan plegan os Reis Magos en buscando a on ha de naixer lo fillo de Dios y plegan en Betlem ta fer-ie l'adoración, contina con a plegada d'un ánchel que advierte a Sant Chusé d'a inminent matanza d'os varons primochenitos por o rei Herodes o Gran que provoca la suya fuyida enta Echipto, y contina con a as escenas clasicas d'a vida de Chesús: tornada de Chesús en Galilea, lo suyo baptismo, la suya tentación por o diaple, o suyo contacto con os suyos disciplos, a curación d'o paralitico en Cafarnaum, l'episodio d'a muller adultera, María Malena, a curación d'a muller hemorrachica, a decapitación de Sant Chuan Baptista, o sermón d'a montanya, conversión de l'augua en vin, a multiplicación d'os pans y os peixes, o caminar sobre l'augua, a confesión de Pero, o refusamiento de Chesús, a resurrección de Lazaro, a unción de Chesús, a dentrada trunfal en Cherusalem, a expulsión d'os mercaders d'o Templo, a Ultima Cena, a traición de Chudas, l'anuncio d'a negación de Pero, o discurso de despedida, a partición d'o pan y lo vino, a oración en o huerto de Getsemaní, as 30 monedas d'archent que pagan a traición de Chudas, l'arresto de Chesús, o chudicio de Chesús, o chudicio de Pilato, o beso de Chudas, l'epidodio de Chesús en a cort d'Herodes, l'Ecce Homo, a Vía Dolorosa, l'episodio en que Santa Veronica li limpia la cara, o Golgota, a Crucifixión de Cristo, l'episodio d'o mal ladrón, l'episodio d'o buen ladrón, l'episodio de l'eclipse de crucifixión, a resurrección de Cristo y finaliza con l'ascensión de Chesús.
The Greatest Story Ever Told s'ambienta en Cherusalem y atros puestos en os actuals Palestina y Israel en o sieglo I aC y en o sieglo I y las suyas escenas se filmoron en localidaz de California, Arizona, Illinois, Nevada y Utah, amás d'en os Metro-Goldwyn-Mayer Studios y os Desilu Studios en Culver City en California.[2]
Ye una cinta que ha recibiu cuantos premios y nominacions, entre los cuals cal destacar seis nominacions a los Premios Oscar en a suya 38ena edición.