Back الكتاب الأسود (فيلم) Arabic El llibre negre (pel·lícula de 2006) Catalan Černá kniha (film) Czech Black Book CY Black Book (Film) German Μαύρη λίστα (ταινία) Greek Black Book EML Black Book (film) English Zwartboek Spanish Zwartboek EU
.svg){kind=small}
Zwartboek (títol orichinal en neerlandés, en aragonés Libro negro, conoixida internacionalment por a traducción d'o suyo títol enta l'anglés como Black Book y enguerada en Aragón con o suyo títol traduciu enta lo castellano como El libro negro) ye una cinta de cine d'intriga dramatica belica de l'anyo 2006 coproducida por o cine neerlandés, o cine belga, o cine alemán y lo cine britanico dirichida por Paul Verhoeven seguntes un guión adaptau por él mesmo y por Gerard Soeteman basau en una historia d'iste zaguero, con una banda sonora orichinal d'Anne Dudley, una dirección de fotografía de Karl Walter Lindenlaub, una producción cinematografica de Jeroen Beker, San Fu Maltha, Frans van Gestel, Jens Meurer y Teun Hilte ta las productoras AVRO, Clockwork Pictures, ContentFilm International, Egoli Tossell Film, Fu Works, Motion Investment Group, Studio Babelsberg y VIP 4 Medienfonds, y con un elenco d'actors formau en os suyos papels principals por Carice van Houten, Sebastian Koch, Thom Hoffman, Halina Reijn, Waldemar Kobus, Derek de Lint, Christian Berkel, Dolf de Vries, Peter Blok y Michiel Huisman.
Zwartboek nos conta la historia de Rachel Stein, una mesacha chodiga que en setiembre de 1944 en os Países Baixos ocupaus por o Tercer Reich mientres a Segunda Guerra Mundial preba de fuyir con a suya familia enta lo Reino Uniu pero se troban que cayen como gurrions en estar enganyaus por un colaborador d'o nazismo que treballa ta los alemans y se reparte lo botín con un miembro d'as Schutzstaffel; Rachel ye la sola d'a suya familia que se salva y ta vengar-se, dentra en a Resistencia neerlandesa, encara que se fa pasar por ciudadana d'os PaísesBaixos como Ellis de Vries, y li asignan la misión de seducir a un atro dirichent d'as Schutzstaffel qui, encara que descubre que ye chodiga, finalment colabora con ella ta perseguir a l'asasino de sus pais. Asinas, a cinta s'ambienta en 1944 y 1945 en Den Haag en os Países Baixos y en 1956 en Israel, y las suyas escenas se filmoron en Amsterdam y Haarlem en Holanda Septentrinal, en Utrecht (Provincia d'Utrecht), en Delft, Dordrecht, Den Haag y 's-Gravenhage en Holanda Meridional y en a Provincia de Groningen, en Overijssel y en Brabant Septentrional en os Países Baixos, en Berlín y Potsdam en Alemanya, en Londres en o Reino Uniu y en Israel.
Se tracta d'una cinta que ha recibiu cuantos premios y nominacions, en destacando la suya nominación a lo Premio BAFTA a la Millor Cinta Forana en a suya 60ena edición.
- ↑ 1,0 1,1 1,2 1,3 1,4 (en) Enguero de Zwartboek en Internet Movie Database.