Abuja ìre ama-ibot mè ama-ile òmimin ichit me ido Naijiria.^[1] Ìkup me agan̄ FCT me agan̄ etete me ido ya. Îre ama-ile etọtọt inama. Ebene inama me emen 1980 cha, igọọk me lek <master plan> eyi International Planning Associates (IPA), òrere igba-mbubek [consortium] ebi Amerika ita ìkirọ mbubek òfolek itọtọt inama-inu mè igwook-uwu. Mbubek ita ògbagbaan̄ irọ igba-mbubek yi ìre Wallace, Roberts, McHarg&Todd (WRMT – ọgbọn̄ ebi ìgwook-uwu) kire ogwu-isi [as lead], Archisystems International (òkup me emen Howard Hughes Corporation) mè Planning Research Corporation. Agan̄ Central Business District eyi Abuja, îre Kenzo Tange, ogwu Japan ògwook-uwu, ogwook isibi.^[2][3][4] Abuja ìbọkọ irek Legọs inikana ama-ibot Naijiria me 12 Disemba, 1991.^[5][6] Legọs me lek kan̄ ìbọkọ Kalaba irek ya me acha 1906 mgbọ ebi ibot ikwaan̄ mkpulu-usun̄ Biriten ebenbe ama-ibot mkpulu kiban̄ isa ifo Legọs. Mgbọ ebenbe ama-ibot isan̄a, Kalaba îkeke inye kire ama mgba-uji (ere ekikọp oduuk, timbà mè mgbe akwọọk [beeswax]) mege inire acha 1916, mgbọ Pọt Akọt, òrere usọk-oniin̄ teren òlilibi 145 km ifo agan̄ ichep-ura, onikana isi-isi ama mgba-uji.^[7]

Ere cha òsisibi isi me ama-ile Abuja ìre: Ewuuk Aso, Oyet-egep Ogwu Ibot Mkpulu, Uwu Ikan Ido mè Uwu Oyerebet Ile. Ewuuk Zuma ìkup me agan̄ inyọn̄ me ama-ile ya, me lek uga oniin̄ òkisi Kaduna.<ref11,12>

Me orirọ ifuk-ene eyi acha 2006, otu-ifuk ene ìkup me ama-ile Abuja ìre 776,298.<ref13> Ọmọ ore òso jeeta me etete akọp ama-ile echi òmimiin̄ ichit me Naijiria.

Igọọk me etip ebi Yu-en, bene me 2000 re 2010, Abuja ìsa 137% imin igak adasi, eya onenirọ ọmọ ire ge me lek ama-ile echi ògwagwat lek ichit me ititibi imin me linyọn̄.<ref14> Me acha 2015, <growth rate> ama-ile Abuja ìre 35%, mè itet irek kan̄ ikaan̄ kire ama-ile ògwagwat lek ikimin ichit me kọntinenti Afirika, mè ge etete echi òkigwat lek itibi imin me linyọn̄.<ref15,16> Me acha 2016, otu-ifuk ebi ìluluk me agan̄ ebi ene ewabe me ama-ile Abuja ìre efie gweregwen; Legọs gaalek oraka ọmọ me otu-ifuk ene me etete ebi kè ama-ile me Naijiria.<ref3,17>

1. ↑ Tempulet:Citation/core/sandbox
2. ↑ Tempulet:Citation/core/sandbox
3. ↑ Tempulet:Cite news
4. ↑ Tempulet:Citation/core/sandbox
5. ↑ Roman Adrian Cybriwsky, Capital Cities around the World: An Encyclopedia of Geography, History, and Culture, ABC-CLIO, USA, 2013, p. 2
6. ↑ Tempulet:Cite book
7. ↑ https://www.britannica.com/place/Calabar accessed 21 July 2022, 10:20am