Aeropuertu

Los aeropuertos son les terminales en tierra onde s'empecipien y rematen los viaxes de tresporte aereu n'aeronaves. Les funciones de los aeropuertos son delles, ente elles l'aterrizaxe y despegue d'aeronaves, embarque y desembarque de pasaxeros, equipaxes y mercancíes, abastecimientu de combustible y caltenimientu d'aeronaves, lo mesmo que llugar d'aparcamientu p'aquélles que nun tán en serviciu. Los aeropuertos sirven p'aviación militar, aviación comercial o aviación xeneral.

Los aeropuertos divídense'n dos partes:

1. El "llau del aire" (del inglés air-side), qu'incluye la pista (pa despegue y aterrizaxe), les cais de rodaxe, los hangares y les zones d'aparcamientu de los aviones (zones Apron).
2. El "llau de tierra" del aeródromu (del inglés land-side) ta dedicáu al pasaxeru, ya inclúi la terminal de pasaxeros, les zones de comerciu, aduanes, servicios, estacionamientos d'automóviles y demás.