Alcuerdu de Schengen

Alcuerdu de Schengen

Tipu	tratáu
Epónimu	Schengen (es)
Llocalización	Schengen (es)
Creación	14 xunu 1985
Robláu por	Suiza, Alemaña, Francia, Austria, Luxemburgu, España, Portugal, Países Baxos, Bélxica y Reinu de Dinamarca
Serie
Parte de	acervo de de Schengen (es)

L'Alcuerdu de Schengen /sxɛnɣən/ ye un alcuerdu pol que dellos países d'Europa suprimieron los controles nes fronteres interiores (ente esos países) y treslladaron esos controles a les fronteres esteriores (con países terceros).^[1] L'alcuerdu, robláu na ciudá luxemburguesa de Schengen en 1985 y a valir dende 1995, establez un espaciu común –denomináu espaciu de Schengen–^[2] pol que puede circular llibremente toa persona qu'entrara regularmente por una frontera esterior o more n'unu de los países qu'apliquen el Conveniu.

L'Alcuerdu foi integráu nos trataos de la Xunión Europea dende'l 1 d'avientu de 2009, onde sigui entá vixente.

En total, los países que formen parte del espaciu de Schengen son 26:^[3] Alemaña, Austria, Bélxica, Dinamarca, Eslovaquia, Eslovenia, España, Estonia, Finlandia, Francia, Grecia, Hungría, Islandia, Italia, Letonia, Liechtenstein, Lituania, Luxemburgu, Malta, Noruega, Países Baxos, Polonia, Portugal, República Checa, Suecia y Suiza. Esti últimu país votó'l 9 de febreru de 2014 en referendu, acutar l'accesu de los ciudadanos d'Europa al so territoriu, lo que puede lleva-y a abandonar l'espaciu de Schengen.^[4]

Esisten países que pertenecen al alcuerdu de Schengen pero que tienen esceiciones na aplicación de dellos puntos del alcuerdu y nun pertenecen al espaciu de Schengen. Por casu, Reinu Xuníu ya Irlanda nun formen parte del espaciu de Schengen pero participen na cooperación policial y xudicial y na llucha contra estupefacientes. Otros como Bulgaria, Rumanía y Xipre inda nun pertenecen al espaciu de Schengen porque nun cumplen colos requisitos de seguridá establecíos, anque sí apliquen otres partes del alcuerdu. Islandia, Liechtenstein, Noruega y Suiza, que nun son miembros de la XE, llegaron a un alcuerdu pa formar parte de la zona Schengen,^[5] anque Suiza votó en referendu abandonalo.^[4] Croacia, últimu país n'incorporase a la XE, quería integrase nel alcuerdu en 2015.^[6]

1. ↑ «Circulación de Persones pel Espaciu Schengen». Consultáu'l 15 d'agostu de 2013.
2. ↑ espaciu de Schengen, grafía apropiada Fundéu BBVA. Consultáu'l 14 d'agostu de 2012
3. ↑ Xunión Europea. «Schengen (Alcuerdu y Conveniu)». Consultáu'l 12 de xunetu de 2014.
4. ↑ ^{4,0 4,1} Suiza da una portada a la Xunión Europea. El País. 10 de febreru de 2014. http://internacional.elpais.com/internacional/2014/02/09/actualidad/1391942183_207520.html. 
5. ↑ s'articula-l'espaciu-schengen-16560 Cómo s'articula l'espaciu Schengen. 26 de marzu de 2013
6. ↑ Croacia: Tres l'adhesión, l'oxetivu ye Schengen. presseurop. 3 de mayu de 2013. http://www.presseurop.eu/es/content/news-brief/3744291-tres-la-adhesion-l'oxetivu-ye-schengen.