Alexandru I de Rusia

Alexandru I de Rusia
Emperador de todas las Rusias (es) 12 marzu 1801 (Xulianu) - 19 payares 1825 (Xulianu) ← Pablo de Rusia (es) - Nicolás I de Rusia →
Vida
Nacimientu	San Petersburgu[1], 12 d'avientu de 1777 (xul.)[2]
Nacionalidá	Imperiu Rusu
Residencia	Palaciu d'Iviernu
Muerte	Taganrog[3], 19 de payares de 1825 (xul.)[2] (47 años)
Sepultura	Catedral de San Pedru y San Pablu de San Petersburgu[4]
Causa de la muerte	Fiebre tifoideo
Familia
Padre	Pablo de Rusia
Madre	Sofía Dorotea de Wurtemberg
Casáu con	Luisa de Baden (es) (1793 (Xulianu), 1793 – 1825 (Xulianu))[4]
Pareyes	Maria Naryshkina (es)
Fíos/es	Grand Duchess Maria Alexandrovna of Russia (es) [5] Nikolai Lukash (es) [6] Grand Duchess Elizabeth Alexandrovna of Russia[6] Zenaida Narishkin (en) [6] Sophie Narychkine[6] Emmanuil Naryshkin (es) [6] Mariya Parizhskaya (en) [6] Wilhelmine Alexandrine Pauline Alexandrov (en) [6] Gustaw Ehrenberg[6] Maria (?) (en) [6] Nikolay Isakov (es) [6]
Hermanos/es	Nicolás I de Rusia Constantino Pávlovich Románov (es) [7] Miguel Pávlovich de Rusia (es) Anna Pavlovna de Rusia (es) María Pávlovna Románova (es) Alejandra Austria de Pávlovna Románova (es) Catalina Pávlovna Románova Elena Pávlovna Románova (es) Grand Duchess Olga Pavlovna of Russia (es)
Pueblu	Casa de Holstein-Gottorp-Romanov (es)
Estudios
Llingües falaes	rusu[8]
Oficiu	monarca
Llugares de trabayu	Rusia y Ámsterdam
Premios	ver Gran Cruz de la Lexón d'Honor Orden de la Fidelidad (Baden) Real Orde de los Serafines Orden del Halcón blanco Orde de l'Águila d'Oru Orde de San Hubert Orden de la Jarretera Orde del Elefante Orden de San Jenaro Commander of the Order of Military Virtue Orde suprema de la Santísima Anunciación Cruz de Hierro de 2.ª clase Sagrada Orden Militar Constantiniana de San Jorge Caballero gran cruz de la Orden de San Fernando y el Mérito Gran Cruz de la Banda de las Tres Ordenes [9] Orden de San Luis Orde de San Xuan de Xerusalén Gran Cruz de la Orde Militar de María Teresa Caballeru de la Orde de San Alexander Nevsky Caballeru de la Orde de San Miguel Caballeru de la Orde del Espíritu Santu Orde de l'Águila Blanca Orde de l'Águila Negra Orde de San Xurde de cuarta clas Orde de l'Águila Colorada de primer clas Orde de San Andrés Medal For love for native land Orden de San Estanislao Caballeru de la Orde del Toisón d'Oru  (30 mayu 1814) Gran Cruz de la Orde Militar de William  (19 payares 1818)
Serviciu militar
Graduación	Mariscal Generalfeldmarschall (es)
Lluchó en	Guerres Napoleóniques
Creencies
Relixón	cristianismu ortodoxu

Alexandru I (rusu: Алекса́ндр I Па́влович, transliterable como Aleksándr I Pávlovich, 12 d'avientu de 1777 ^(xul.), San Petersburgu – 19 de payares de 1825 ^(xul.), Taganrog^[10]) foi emperador de Rusia de magar 1801, primer rei del zaratu de Polonia de magar 1815 y Gran Duque de Finlandia de magar 1809. Yera'l fíu mayor del emperador Pablu I y la emperatriz Sofía Dorotea de Württemberg.

Asocedió a so padre nel tronu dempués de qu'esti fora asesináu, y gobernó Rusia demientres el caóticu periodu de les guerres napoleóniques. Como príncipe, y nos primeros años del so reináu, usó davezu una retórica política lliberal, pero na práctica continuó les polítiques absolutistes de los sos predecesores. Entamó, nostante, delles reformes sociales menores nos sos primeros años de reináu, y tamién, a partir de 1803-4, importantes reformes educatives de sentíu lliberal, fundando y construyendo nueves universidaes. Nombró a Mijail Speransky, fíu d'un cura de pueblu, como ún de los sos conseyeros más cercanos, y sustituyó los Collegia (departamentos ministeriales creaos por Pedru el Grande en 1717) por un Conseyu d'Estáu col envís d'ameyorar la llexislación. Fizo tamién planes pa crear un parllamentu y mandar elaborar y firmar una constitución.

En política esterior camudó la so posición sobre Francia cuatro vegaes ente 1804 y 1812, banciando ente la neutralidá, la oposición y l'alianza. En 1805 xunióse a Gran Bretaña na Guerra de la Tercer Coalición escontra Napoleón, pero tres de sufrir dos grandes derrotes nes battales d'Austerlitz y Friedland, camudó les sos aliances, roblando'l tratáu de Tilsit (1807), pol que se xunía al Bloquéu Continental napoleónicu. Enfrentose a Gran Bretaña nuna pequeña guerra naval ente 1807 y 1812, y tamién con Suecia (1808-9) tras refugar esti país xunise al Bloquéu Continental. Alexandru y Napoleón teníen, nostante, diferencies importantes, especialmente no que cincaba al futuru de Polonia, y l'alianza desfízose en 1810. El mayor trunfu d'Alexandru produciose en 1812, tres rechazar la invasión napoleónica de Rusia, qu'estrozó l'exéercitu francés. Como miembru de la coalición vencedora escontra Francia consiguió territorios en Finlandia y Polonia, y llueu participó na formación de la Santa Alianza, alianza de los gobiernos absolutistes europeos pa suprimir los movimientos revolucionarios del continente, vistos polos monarques absolutos cristianos como amenaces inmorales al so llexítimu gobiernu. Nesi contestu, ayudó tamién a l'Austria de Klemens von Metternich a suprimir tolos movimientos nacionales y lliberales del so territoriu.

Na segunda metá del so reináu Alexandru foi volviéndose cada vegada más arbitrariu y reaccionariu y obsesionose cola esistencia de complots escontra elli. De resultes, acabó con munches de les reformes que ficiera primeru. Asina, espulsó a los profesores foriatos de les escueles, dando un xiru a la educación nún sentíu más relixosu y políticamente conservador^[11]. Speransky dexó de ser el so asesor, y foi sustituyíu pol estrictu inspector d'artillería Alekséi Arakcheyev, que supervisó la creación d'asentamientos militares, un peculiar tipu de cuartel nel que los soldaos combinaben el serviciu militar col trabayu agrícola. Alexandru morrió de tifus n'avientu de 1825, mientres viaxaba pel sur del país. Nun dexó descendientes llexítimos, una y bones dos fíes que tuviera morrieran de neñes, y dengún de los sos hermanos quixo convertise n'emperador. Tres d'un periodu de gran confusión, nel que se produxo por exemplu la revuelta decembrista protagonizada por oficiales lliberales del exércitu nes semanes posteriores a la so muerte, foi asocedíu nel tronu pol so hermanu menor, Nicolás I.

1. ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
2. ↑ ^{2,0 2,1} Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
3. ↑ Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
4. ↑ ^{4,0 4,1} Nikolay Gretsch. «Q26300678» (en rusu). Encyclopedic Lexicon. Volume I, 1835. 
5. ↑ Nikolay Gretsch. «Q26300678» (en rusu). Encyclopedic Lexicon. Volume I, 1835. 
6. ↑ ^{6,00 6,01 6,02 6,03 6,04 6,05 6,06 6,07 6,08 6,09} Afirmao en: The Peerage. Llingua de la obra o nome: inglés. Autor: Darryl Lundy.
7. ↑ Venedikt Miakotin. «Q20655974» (en rusu). Brockhaus and Efron Encyclopedic Dictionary. Volume XVI, 1895. 
8. ↑ Identificador CONOR.SI: 236830051. Afirmao en: CONOR.SI.
9. ↑ URL de la referencia: http://www.ordens.presidencia.pt/?idc=154.
10. ↑ Maiorova O, From the Shadow of Empire: Defining the Russian Nation through Cultural Mythology, 1855-1870, p. 114. University of Wisconsin Press, 2010.
11. ↑ Walker FA, Enlightment and Religion in Russian Education in the Reign of Tsar Alexander I. History of Education Quarterly, 1992;32(3):343-360. doi:10.2307/368549.