Antlia

La Bomba Neumática Antlia
Carta celeste de la constelación de la Bomba Neumática na qu'apaecen les sos principales estrelles.
Nomenclatura
Nome n'asturianu	La Bomba Neumática o la Máquina Neumática
Nome en llatín	Antlia
Xenitivu	Antliae
Abreviatura	Ant
Descripción
Introducida por	Nicolas-Louis de Lacaille
Superficie	238,9 graos cuadraos 0,579 % (posición 62)
Ascensión reuta	Ente 9 h 26,94 m y 11 h 5,92 m
Declinación	Ente -40,42° y -24,54°
Visibilidá	Completa: Ente 90° S y 49° N Parcial: Ente 65° N y 49° N
Númberu d'estrelles	42 (mv < 6,5)
Estrella más brillante	Alfa Antliae (mv 4,24)
Oxetos Messier	Nengunu
Oxetos NGC	66
Oxetos Caldwell	Nengunu
Lluvies de meteoros	Nenguna
Constelaciones colindantes	4 constelaciones Centaurus Hydra Pyxis Vela
Meyor mes pa ver la constelación Hora llocal: 21:00
Mes	Abril
[editar datos en Wikidata]

Antlia o la Bomba Neumática ye una constelación del hemisferiu celeste austral. El so nome fai referencia al aparatu inventáu pol físicu francés Denis Papin nel sieglu XVII. La constelación foi introducida por Nicolas-Louis de Lacaille, col nome de Antlia Pneumatica, cuando tuvo trabayando nel observatoriu del cabu de Bona Esperanza y cúntase ente los ochenta y ocho constelaciones modernes. Asitiada cerca de les estrelles que formaben l'antigua constelación d'Argo Navis, Antlia ye dafechu visible dende llatitúes más al sur de los 49 grado norte.

Antlia ye una constelación débil. La so estrella más brillosa ye Alfa Antliae, una xigante anaranxada quiciabes variable, pos la so magnitú aparente varia ente 4,22 y 4,29. Otra estrella destacada ye S Antliae, un sistema binariu eclipsante que les sos componentes tán tan próximes que nel futuru van fundir pa formar una única estrella. Conócense dos estrelles con exoplanetes nesta constelación: HD 93083 y Wasp-66. Oxetos notables de cielu fondu son la galaxa NGC 2997 y la galaxa nana de Antlia.