Ayuda:Multimedia (Ogg)

Tendría de ser fácil pa ti ver los ficheros multimedia de Wikipedia direutamente nes páxines que visites, simplemente faciendo click nel botón de reproducción, ya que munchos restoladores web populares sofiten de mou nativu los códecs Theora, Vorbis y WebM (utilizaos toos ellos en Wikipedia). Ente ellos tán Mozilla Firefox 3.5, Google Chrome 3 y Opera 10.5; estos restoladores o versiones superiores incluyen sofitu nativu pa esos formatos de multimedia.

Si nun uses unu de los restoladores anteriores, nun te preocupes: sólo instala una versión actualizada del entornu d'execución de Java (disponible equí) y con ello añadirás la funcionalidá de visión de recursos multimedia col reproductor web llamáu «Cortado» pa los restoladores sin encontu como Windows Internet Explorer o Apple Safari. Amás, tamién puedes instalar complementos pal formatu WebM (sólo videu, nun incluye encontu pa soníu) dende'l sitiu web de la estensión Timed Media Handler de MediaWiki, equí.

Pa poder reproducir llocalmente ficheros multimedia Ogg nel to equipu, por favor seleiciona un programa d'ente los qu'apaecen nesta páxina. Mira nel apartáu del to sistema operativu (Microsoft Windows, por casu) y sigue les instrucciones pa instalalu.

Hai que tener en cuenta que la estensión .ogg ye xenérica y podría contener soníu o videu. Por eso, si configuramos dicha estensión pa reproducise con un programa que solo pueda reproducir soníu, ésti intentaría abrir tamién los ficheros de videu. Polo tanto, ye preferible que'l programa asociáu cola estensión .ogg pueda trabayar indistintamente con soníu Ogg Vorbis y videu Ogg Theora.

• Instalar los códecs Ogg de la Fundación Xiph.Org permite que los reproductores compatibles con DirectShow (como Windows Media Player) reproduzan tol soníu y videu de Wikipedia. Pa facelo, sigue los siguientes pasos:

1. La mayoría de los usuarios de Windows tienen ya instaláu Windows Media Player nel ordenador. Si nun lu tienes o quieres usar un reproductor diferente, instala unu de la llista siguiente. Otramiente, sigue pol pasu 2.
   1. Windows Media Player (descargar)
   2. VLC (cliente Videolan) (descargar)
   3. Media Player Classic (descargar)
   4. Winamp (descargar)
2. Vete a Xiph.org/Dshow → Zona de descargues
3. Fai click en «Windows 32/64-bit Installer».
4. Espera a que'l programa se descargue.
5. En acabando la descarga, executa'l programa d'instalación y sigue les instrucciones en pantalla.
6. Cuando l'asistente d'instalación acabe, el to reproductor multimedia favoritu tendría de tar preparáu pa reproducir soníu y videu en formatu Ogg.

• MPlayer OS X ye un reproductor multimedia que puede reproducir ficheros Vorbis y Theora.

1. Vete a la páxina de descarga de MPlayer pa Mac OS X
2. Fai click nel botón Download Now (Descargar agora).
3. Espera a que descargue'l programa d'instalación.
4. En acabando la descarga, fai doble click nel archivu zip pa estraer los ficheros.
5. Copia l'aplicación Mplayer a la to carpeta Aplicaciones.
6. Cuando fine la copia, podrás usar MPlayer pa reproducir soníu y videu en formatu Ogg.

• iTunes/QuickTime

1. Descarga ya instala una versión actualizada de iTunes dende'l sitiu web d'Apple.
2. Darréu, tienes d'algamar ya instalar el plugin XiphQT.
3. Agora, puedes usar iTunes o QuickTime pa reproducir (y convertir) archivos Vorbis y Theora, o suscribite a podcasts basaos en Vorbis (per fontes RSS o llistes de reproducción XSPF).
4. Usar esti métodu permite la reproducción del conteníu de soníu/videu de Wikipedia usando Safari.

• VLC ye un reproductor de multimedia que puede reproducir ficheros de soníu Vorbis y videu Theora.

1. Vete a la páxina de descarga del reproductor VLC pa Mac OS X
2. Seleiciona una versión apropiada del programa pa descargar.
3. Espera a que descargue l'archivu cola imaxe de discu.
4. En tando descargáu, fai doble click na imaxe de discu pa montalu.
5. Copia l'aplicación VLC a la to carpeta Aplicaciones.
6. Cuando fine la copia, podrás usar VLC pa reproducir soníu y videu en formatu Ogg.

Munches distribuciones nueves de sistemes llibres de tipu Unix son capaces de reproducir recursos .ogg sin dengún tipu d'instalación estra. Si nun tienes nengún reproductor de soníu instaláu, usa'l sistema de paquetes preferíu pa escoyer ente los diferentes reproductores y seleicionar unu. Por casu, puedes instalar Totem, Amarok, mplayer, Xine, VLC o XMMS, ente otros.

• Ríquese libtheora [1] pal encontu de videu Ogg Theora.

1. Usa'l sistema d'instalación de paquetes de la distribución pa buscar ya instalar libtheora. Sicasí, ten en cuenta que munches distribuciones nueves podríen tenelu instaláu yá, polo que nun fai falta facelo.
2. Agora los reproductores de multimedia como MPlayer [2] o VLC [3] tienen de poder reproducir videu Ogg Theora y soníu Ogg Vorbis.

• Pa reproducir videu Theora con reproductores basaos en GStreamer como Totem [4], tienes d'instalar el plugin pa Theora en GStreamer. Nuevamente, el sistema de paquetes tendría d'encargase d'esto.