Back Mimosa AF ميموزا (نجم) Arabic Мімоза BE Beta Crucis BR Beta Crucis BS Mimosa (estel) Catalan Mimosa (hvězda) Czech Becrux German Μιμόζα (αστέρας) Greek Mimosa (star) English
Coordenaes: 
12h 47m 43.269s, -59° 41′ 19.579″
Becrux o Mimosa son nomes que recibe la estrella Beta Crucis (β Cru / HD 111123 / HR 4853),[8] la segunda más brillosa na constelación de la Cruz del Sur (Crux Australis) y la ventena más brillosa del cielu nocherniegu. El términu «Becrux» nun ye más qu'una contraición de la lletra griega Beta y la pallabra Crux, ente que l'orixe del nome «Mimosa» pue tar rellacionáu cola flor del mesmu nome.
Becrux ye una estrella subxigante de magnitú visual +1,30 de color azul y tipu espectral B0.5IV[8] con una temperatura cercana a los 27.000 K. La so lluminosidá, 2000 vegaes mayor que la del Sol nel espectru visible, xube a 19.600 soles cuando se considera la radiación emitida nel ultravioleta, que nuna estrella tan caliente supón una proporción importante. El so diámetru ye aproximao 7 vegaes el del Sol, y la so masa ye 14 vegaes la solar. Ye una estrella nueva, con una edá envalorada de 10 millones d'años, que'l so conteníu relativo de fierro ye igual a 3/4 partes del atopáu nel Sol. Ye una variable pulsante de tipu Beta Cephei, que'l so rellumu varia ente magnitú +1,23 y +1,33 con periodos de 4,588, 4,028, 4,386, 6,805 y 8,618 hores.[9]
Asitiada a 280 años lluz del Sistema Solar, l'espectru de Becrux revela que ye una estrella binaria cercana que les sos dos componentes, dixebraes unes 7 unidaes astronómiques, tienen un periodu orbital de 5 años. Amás, afayóse una segunda compañera de masa baxo, non observable nel espectru visible pero activa en rayos X; ye una estrella pre-secuencia principal, esto ye, ta inda en procesu de formación. Dixebrada siquier 350 ua del par interior, emplega 1600 años o más en completar una órbita. Una cuarta estrella, visualmente a 42 segundos d'arcu, puede tamién pertenecer al sistema. Si realmente forma parte del mesmu, sería una nana naranxa distante siquier 3600 ua de la componente más brillosa.[9]
- ↑ 1,0 1,1 1,2 Afirmao en: SIMBAD.
- ↑ 2,0 2,1 2,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ Afirmao en: Catalogue of rotational velocities of the stars. Stated in source according to: SIMBAD. Llingua de la obra o nome: inglés. Data d'espublización: xunu 1970.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ «Chemical abundances in early B-type stars. V. Metal abundances and LTE/NLTE comparison» (n'inglés). Astronomy and Astrophysics: páxs. 867–873. 1994.
- ↑ Andrea Fabiana Torres (27 marzu 2009). «Fundamental parameters of B supergiants from the BCD system. I. Calibration of the (λ_1, D) parameters into Teff» (n'inglés). Astronomy and Astrophysics (1): páxs. 297–320. doi:.
- ↑ 8,0 8,1 Beta Crucis- Variable Star of beta Cep type (SIMBAD)
- ↑ 9,0 9,1 «Mimosa (Stars, Jim Kaler)». Archiváu dende l'orixinal, el 2009-01-09.