Capiya Sixtina

Capiya Sixtina
La Cappella Sistina (it)
capiella, atraición turística, bien cultural (es) y ilesia católica
Llocalización
País	Ciudá del Vaticanu
Coordenaes	41°54′11″N 12°27′16″E / 41.903055555556°N 12.454444444444°E / 41.903055555556; 12.454444444444
Capiya Sixtina Capiya Sixtina (Ciudá del Vaticanu)
Historia y usu
Cónclave
Comisariu	Sixto IV (es)
Orixe del nome	Sixto IV (es)
Relixón	catolicismu
Diócesis	Diócesis de Roma (es)
Dedicación	Asunción de María
Usu	capiella cónclave
Arquiteutura
Arquiteutu/a	Baccio Pontelli
Estilu	arquiteutura del Renacimientu
Altor	21 m
Anchor	13,4 m
Llargor	40,9 m
Instalaciones
Formáu por	bóveda de la Capilla Sixtina (es)
Web oficial

La Capiya Sixtina ye una capiya del Palaciu Apostólicu de la Ciudá del Vaticanu, la residencia oficial del papa. Trátase de la estancia más conocida del conxuntu palaciegu.

Orixinalmente sirvía como capiya de la fortaleza vaticana. Conocida enantes como Cappella Magna, toma'l so nome del papa Sixto IV, quien ordenó la so restauración ente 1473 y 1481. Dende entós la capiya sirvió pa celebrar diversos actos y ceremonies papales. Anguaño ye la sede del cónclave, la xunta na que los cardenales eleutores del Colexu Cardenaliciu escueyen a un nuevu papa. La fama de la Capiya Sixtina débese principalmente a la so decoración al frescu, y especialmente a la bóveda y el testeru, con El Xuiciu Final, dambes obres de Michelangelo.

Mientres el pontificáu de Sixto IV, un grupu de pintores renacentistes qu'incluyía a Sandro Botticelli, Pietro Perugino, Pinturicchio, Domenico Ghirlandaio, Cosimo Rosselli y Luca Signorelli realizó dos series de paneles al frescu sobre la vida de Moisés (a la izquierda del altar, mirando escontra El Xuiciu Final) y la de Xesucristu (a la derecha del altar), acompañaes por semeyes de los papes que gobernaren la Ilesia hasta entós na zona cimera y por cortines pintaes con trampantojo na zona inferior.

Les pintures fueron concluyíes en 1482, y el 15 d'agostu de 1483, por cuenta de la festividá de l'Asunción, Sixto IV celebró la primera misa na capiya y consagrar a la Virxe María.^[1][2]

Ente 1508 y 1512, por encargu del papa Xuliu II, Michelangelo decoró la bóveda, creando una obra d'arte ensin precedentes que camudaría'l cursu del arte occidental.^[3][4] Años dempués, tres el Sacu de Roma, pintó tamién El Xuiciu Final na paré del altar ente 1536 y 1541 pa los papes Clemente VII y Pablo III.^[5] Más de cinco sieglos dempués, los frescos de Michelangelo siguen atrayendo a ensame de visitantes a la capiya, y son consideraos una de les obres cume de la historia de la pintura.

1. ↑ Pietrangeli 1986, p. 28
2. ↑ Monfasani, John, «A Description of the Sistine Chapel under Pope Sixtus IV», Artibus et Historiae (IRSA s.c.) 4 (7): 9–18, doi:10.2307/1483178, ISSN 0391-9064, http://www.artibusethistoriae.org/?menu=art&gdzie=artibusChapterResult&id=68. 
3. ↑ Gardner, Helen. p. 469.
4. ↑ Coughlan, Robert. The World of Michelangelo, Time-Life International, (1966) p. 116.
5. ↑ Coughlan, Robert. p. 127.