Casta

El sistema de castes ye una manera particular d'estratificación social al que se pertenez solamente al traviés de la nacencia y caracterízase por tener un sistema sólidu, ríxidu ya inmóvil.

Los sistemes de castes más conocíos son la nobleza medieval, los establecíos na India, l'Imperiu británicu (separación ente blancos ya indíxenes), l'Imperiu alemán (separación ente blancos y negros en Ruanda-Burundi y ente negros hutus y tutsis...) y nel Imperiu español (nos sos territorios d'América y Filipines) o'l sistema del apartheid en Sudáfrica y n'Estaos Xuníos.

El sistema de castes na India describe la estratificación social y les restricciones sociales presentes nel subcontinente indiu, onde les clases sociales (varnas o ‘castes’) vienen definíes per miles de grupos hereditarios endógamos, de cutiu llamaos yati o ‘cla’). Dientro d'un yati esisten grupos hereditarios denominaos gotra, el llinaxe d'un individuu.

Anque'l sistema de castes foi acomuñáu xeneralmente col hinduismu, tamién tuvo presente n'otres relixones del subcontinente, como l'islamismu o'l cristianismu. La Constitución de la India hai ilegalizado la discriminación por razón de casta, en llinia colos principios de secularismu socialista (separación ente relixón y Estáu) nos que foi fundada la nación. Les barreres de casta tán bien debilitaes nes grandes ciudaes, anque persisten nes árees rurales del país. Aun así, el sistema sigue sobreviviendo de manera cambiante na India moderna, fortalecíu por una combinación de perceiciones sociales y polítiques sectaries.