Cetru

El cetru^[1] ye una distinción de mandu a manera de cayáu curtiu. Trátase de cayaos de mandu asignaos a aquellos xefes d'elevada autoridá. L'arqueólogu Manuel Hermann Lejarazu, en Símbolos de poder, espresa que «tantu en Mesoamérica como n'otres partes del mundu unu de los principales atributos del gobernante ye representáu pol cetru, pos a nivel universal el cetru simboliza la exa del mundu y el centru del cosmos; de tal manera, el soberanu que lu porta constituyse a sigo mesmu como exa rector d'esi universu».^[2]

Mercedes de la Garza Camino, en «El puestu del gobernante nel cosmos y los sos ritos de poder», espresa que «el cetru ye, a nivel universal, un modelu amenorgáu del cayáu de mandu, símbolu vertical que representa primero al home y dempués al home poderosu y el poder recibíu de los dioses».^[3]

Los xefes de munches naciones adoptaron el cetru a lo llargo de los sieglos como señal d'autoridá, faciéndolo consistir nuna vara o cayáu más o menos ricu y afatáu que suel rematar en dalguna figura simbólica. Los de la Edá Antigua, qu'ostenten na so manes los dioses y emperadores, tienen la forma d'estil o piértiga elevada. Los de la Edá Media preséntense más curtios y ricos y los de la Moderna inda más pequeños y afataos.

1. ↑ Esti términu apaez nel Diccionariu de l'Academia de la Llingua Asturiana. Ver: cetru
2. ↑ «Símbolos de poder (páxina 80).». Archiváu dende l'orixinal, el 2015-04-02.
3. ↑ Garza Camino, Mercedes de la (2002) «El puesto del gobernante en el cosmos y sus ritos de poder.