Fusu horariu

Fusu horariu
entidá territorial alministrativa ensin gobiernu, estándar horariu y rexón xeográfica

Los fusos horarios^[1] o estayes horaries son caúna de les venticuatro árees^[2] nes que ta dividida la Tierra y que siguen la mesma definición de tiempu. Anteriormente, la xente usaba'l tiempu solar aparente, colo que la hora s'estremaba un poco d'una ciudá a otra. Los fusos horarios corrixeron en parte'l problema al poner n'hora los relós d'una rexón al mesmu tiempu solar mediu. Los fusos horarios xeneralmente tán centraos en meridianos d'una llonxitú que ye múltiplu de 15°; sicasí como pue vese nel mapa les formes de los fusos horarios puen ser perirregulares a causa de les llendes polítiques.

Tolos fusos horarios defínense en rellación al Tiempu Coordináu Universal (UTC), el fusu horariu centráu sobre'l meridianu de Greenwich, asitiáu en Londres^[3].

Como la Tierra xira d'oeste a este al pasar d'un fusu horariu a otru en direición este hai que sumar una hora. D'otra miente, al pasar d'este a oeste hai que restar una hora. El meridianu de 180°, conocíu como llinia internacional de cambéu de fecha, marca'l camudamientu de día.

1. ↑ Esti términu apaez nel Diccionariu de l'Academia de la Llingua Asturiana. Ver: fusu
2. ↑ https://definicionabc.com/huso-horario/ Archiváu 2022-09-27 en Wayback Machine Husos horarios (castellán)
3. ↑ https://www.merriam-webster.com/dictionary/time%20zone Time zone (n'inglés)