Giralda

Catedral de Sevilla, Alcázar y Archivu Xeneral d'Indies

Patrimoniu de la Humanidá — UNESCO
Vista xeneral de la Giralda, na catedral de Sevilla.
Llugar	España
Criterios	Cultural: i, ii, iii, vi
Referencia	383
Área	Europa y América del Norte

Giralda (España)

Giralda ye'l nome que recibe la torre campanario de la Catedral de Santa María de la Sede de la ciudá de Sevilla, n'Andalucía (España). Los dos tercios inferiores de la torre correspuenden al minarete de l'antigua mezquita de la ciudá, de finales del sieglu XII, na dómina almohade, ente que'l terciu cimeru ye una construcción sobrepuesta en dómina cristiana p'allugar les campanes. N'el so cumal topa una bola llamada tinaja sobre la cual álzase'l Giraldillo.

La Giralda mide 97,5 metros d'altor y 101 incluyíu'l Giraldillo, que mide 3,5 metros.^[1] Foi mientres sieglos la torre más alta d'España, según una de les construcciones más elevaes y famoses de toa Europa (por comparanza; la Torre de Pisa mide 55,8 m y el Big Ben 96,3 m). El 29 d'avientu de 1928 foi declarada Patrimoniu Nacional y en 1987 integró la llista del Patrimoniu de la Humanidá.^[2] La so arquiteutura única y orixinal de formes cuadrangulares exactes, afatada de torrecillas y pináculos, sirvió d'inspiración a ensame de torres posteriores n'Estaos Xuníos, Rusia, Polonia y otros países del mundu.

1. ↑ Almagro Gorbea, 2007, p. 55-58.
2. ↑ «Cathedral, Alcázar and Archivu d'Indies in Seville». UNESCO Culture Sector. Consultáu'l 10 de febreru de 2013.