Griegu modernu

Griegu Ελληνικά / Eliniká'
Faláu en	Grecia (11 millones)  Xipre  Xunión Europea Rexones d'Italia, Albania y pequeñes comunidaes en distintes partes del mundu.
Rexón	Sureste d'Europa
Falantes	12 a 15 millones
Familia	Indoeuropéu  Griegu   Xónicu-Áticu    Griegu modernu
Alfabetu	Griegu
Estatus oficial
Oficial en	Grecia  Xipre  Xunión Europea  Italia  (llingua minoritaria en delles zones)
Reguláu por	Nun ta reguláu
Códigos
ISO 639-1	el
ISO 639-2	gre / ell
ISO 639-3	ell
Estensión del griegu

El griegu modernu o neogriegu^[1] considérase la última etapa na evolución del idioma griegu, y correspuéndese a la variante d'esti idioma falada dende la Edá Moderna hasta l'actualidá. Tómase simbólicamente como fecha del so surdimientu la cayida de Constantinopla (1453), anque dicha fecha nun se correspuende con una frontera llingüística clara y munches de les carauterístiques fonétiques modernes del idioma yá apaecieren sieglos antes. Mientres gran parte d'esti tiempu, esistió una situación de diglosia, con distintes dialeutos orales rexonales al llau de formes escrites arcaiques. Mientres los sieglos XIX y XX foi importante la polémica llingüística en redol a la variante popular o demótica (dimotikí) y la culta arcaizante (kazarévusa). El griegu modernu actual ta basáu na variante demótica y ye la llingua oficial de Grecia y Xipre.

1. ↑ Esti términu apaez nel Diccionariu de l'Academia de la Llingua Asturiana. Ver: neogriegu