Idioma indonesiu

Bahasa Indonesia
Faláu en
Faláu en	Indonesia
Númberu de falantes
Falantes Tipu Añu 43 627 550 llingua materna 2010 198 996 550 total 2010
Datos
Familia	malayu
Sistema d'escritura	alfabetu llatín
Reguláu por	Agency for Language Development and Cultivation (en)
Códigos
ISO 639-1	id y in
ISO 639-2	ind
ISO 639-3	ind

L'indonesiu^[1] (bahasa Indonesia) ye l'idioma oficial de la República d'Indonesia. Foi reguláu y establecíu en 1945 cola independencia del país. Nun país que cunta ente 150 y 250 llingües falaes y escrites, l'indonesiu ye la llingua franca del país y la mayoría de los sos nacionales son billingües.^[2] Ye en realidá l'idioma nativu d'una parte minoritaria de la población indonesia, anque ye corriente como segunda llingua.

L'indonesiu ye un dialeutu estandarizado del idioma malayu; antes de la so estandarización emplegaba un alfabetu propiu paecencia al xaponés, pero dende 1945 utiliza l'alfabetu llatín. N'agostu de 1973, Indonesia y Malasia alcordaron formalmente que la composición ortográfica del Bahasa Persatuan o «malayu unificáu» de Malasia y el Bahasa indonesia d'Indonesia son válidos en dambos países.

Según los alcuerdos alcanzaos ente Indonesia, Malasia y Brunéi, l'estándar normativu del indonesiu ye'l bahasa Riau, la llingua del Archipiélagu de Riau, consideráu'l llugar d'orixe de la llingua. Les diferencies ente'l malayu (bahasa Melayu) y l'indonesiu son comparables a les esistentes ente les distintes variadades d'español. Dambos son mutuamente intelixibles, entá con ciertes diferencies n'ortografía y vocabulariu.

1. ↑ Esti términu apaez nel Diccionariu de l'Academia de la Llingua Asturiana. Ver: indonesiu
2. ↑ Embaxada d'Indonesia en Madrid. «Idiomas y Dialeutos». Consultáu'l 24 d'agostu de 2013.