Ilesies bautistes

Les ilesies bautistes son un grupu d'ilesies cristianes evanxéliques, venceyaes por unes creencia y organización eclesiástica comunes. Nos sos empiezos como denominación fueron escorríos tanto por católicos como por protestantes.

Nel mundu calcúlense anguaño cerca de 105-110 millones de bautistes.

Los bautistes enfaticen la necesidá d'una fe personal y xenuina en Xesucristu pa llograr la salvación, ponen especial énfasis nel principiu de la salvación namái por Gracia por medio de la fe (anque consideren que la creencia auténtica trai un compromisu inherente coles bones obres, que ye una consecuencia y non la causa de la salvación) y na Gracia Divina p'algamar la salvación. Amás, faen fincapié na entrega personal del fiel a Cristu y na so aceptación como Señor y Salvador del creyente.

Con estos requisitos, considérase necesariu pa ingresar a la Ilesia (como pasu d'obediencia y non como requisitu pa llograr la salvación) el bautismu del creyente adultu, por inmersión completa n'agua. El bautizu ye precedíu por un oficiu públicu de fe en Xesucristu como Señor y Salvador.

Publicaciones bautistes envaloren que'l conxuntu de les actuales ilesies bautistes constitúi'l grupu cristianu non-católicu más numberosu nel mundu. Sicasí, cifres más concretes calculen en más de 37 millones a los miembros d'estes ilesies solo nos países occidentales, anque estos datos son difíciles d'aventurar porque solamente en países como China envalórase qu'hai dellos millones de bautistes ocultos" y non alliniaos cola ilesia oficial impuesta pol partíu comunista^{[ensin referencies]}.