Back K-pop AF K-pop AN بوب كوري Arabic موسيقى كيبوب ARZ K-pop AZ K-Pop BAR K-pop BE Карэйская поп-музыка BE-X-OLD Gending Koréa Wayah Gini BEW Кей-поп Bulgarian
| K-pop | ||
|---|---|---|
| Oríxenes musicales | Música dance, música electrónica, synthpop (electropop), hip hop, rock, R&B moderno | |
| Oríxenes culturales | Principios de los años 1990, Corea del Sur | |
| Instrumentos comunes | Voz, sintetizador, sequenciador, sampler, máquina de batería, teclaos, guitarra llétrica, baxu llétricu, batería, pianu, a veces tamién otros instrumentos, tal como los de vientu y de cuerda | |
| Popularidá | Alta nel este d'Asia | |
| [editar datos en Wikidata] | ||
K-pop (/keɪ pɔp/, abreviatura del inglés Korean pop "música pop coreana", en coreanu 케이팝 ) ye un xéneru de música de Corea del Sur[1][2][3][4]. Magar que los sos oríxenes remóntense a la década de 1990, el términu tien popularizaose de magar l'entachjujidhbuwpncmu de la década de 2000, na que sustituyó al términu Gayo (가요), utilizáu tamién en Corea del Sur pa referise a la música pop fecha nel país. Magar que'l términu fai referencia a la "música popular" en xeneral, aveza a usase nún sentíu más concretu pa describir una forma moderna de pop surcoreano que axunta, colos sos raigaños na música coreana tradicional, influencia d'estilos y xéneros (música de baille, rock, jazz, góspel, hip hop, folk, country, música lletrónica) del restu del mundu. Puede considerarse que l'orixe del K-pop remóntase a la formación del grupu Seo Taiji and Boys en 1992. La esperimentación d'esti grupu con estremaos estilos y xéneros de música, y la integración nes sos canciones d'elementos musicales foriatos, axudaron a reformular y modernizar la música contemporánea de Corea del Sur.
La cultura "idol", característica d'esti estilu, entamó pocos años dempués, cola banda H.O.T., que marcó la medría del K-pop como una subcultura diferenciada colos sos propios códigos y gran cantidá de fans adolescentes y adultos xóvenes. Tres d'un bache nel xéneru, de magar 2003 los grupos TVXQ y BoA revitalizáronlo, ayudando a que'l xéneru fora conocíu notros países, primero Xapón y llueu el restu del mundu. Les redes sociales facilitaron qu'anguaño el K-pop y la industria del entretenimientu coreana en xeneral, la nomada Korean Wave (fola coreana), seyan populares n'Asia oriental y suroriental, pero tamién en Bangladex, India, América Llatina, África del norte y meridional y Europa, lo que-y da al xéneru ciertu calter de xéneru musical global.
- ↑ «Medi@sia: Global Media/tion In and Out of Context» (inglés) páxs. 144. Taylor & Francis. Consultáu'l 2013-10-14.
- ↑ «Musical Terms Worldwide: A Companion for the Musical Explorer» (inglés) páxs. 15. Semar Publishers. Consultáu'l 2013-10-14.
- ↑ Jeff Benjamin (2012-05-18). «The 10 K-Pop Groups Most Likely to Break in America» (inglés). Rolling Stones. Consultáu'l 2013-10-14.
- ↑ Lina Yoon (2010-08-26). «Korean Pop, with Online Help, Goes Global» (inglés). Time. Archiváu dende l'orixinal, el 2011-02-23. Consultáu'l 2013-10-14.