Llaboratoriu

Un llaboratoriu ye un llugar equipáu con diversos instrumentos de midida o equipos onde se realizen esperimentos o investigaciones diverses, según la rama de la ciencia a la que se dedique.

La so importancia, seya n'investigaciones o a escala industrial y en cualesquiera de les sos especialidaes (química, dimensional, lletricidá, bioloxía, etc.) radica nel fechu de que les condiciones ambientales tán controlaes y normalizaes, de mou que:

1. Pue afitase que nun se producen influyencies estrañes (a les conocíes o previstes) qu'alterien el resultáu del esperimentu o midida: Control.
2. Garantízase que l'esperimentu o midida ye repetible, ye dicir, cualesquier otru llaboratoriu podría repitir el procesu y obtener el mesmu resultáu: Normalización.