Metaloide

Los metaloides^[1] son una de les tres categoríes d'elementos químicos xunto colos metales y los non metales. Xeneralmente diferénciense de los metales verdaderos en que son semiconductores enantes que conductores.

Los elementos d'esta serie química son: boru (B), siliciu (Si), xermaniu (Ge), arsénicu (As), antimoniu (Sb), teluriu (Te), poloniu (Po) y astatu (At), anque la dixebra ente metales y non metales pue camudar, yá que delles vegaes el xermaniu (Ge), antimoniu (Sb) y poloniu (Po) inxérense na serie de los metales del bloque p.

Dientro de la tabla periódica los metaloides allúguense na ringlera diagonal dende'l boru al astatu. Los elementos penriba a mandrecha son non metales, y los que tán pembaxo a manzorga son metales.

13	14	15	16	17
B Boru	C Carbonu	N Nitróxenu	O Oxíxenu	F Flúor
Al Aluminiu	Si Siliciu	P Fósforu	S Azufre	Cl Cloru
Ga Galiu	Ge Xermaniu	As Arsénicu	Se Seleniu	Br Bromu
In Indiu	Sn Estañu	Sb Antimoniu	Te Teluriu	I Yodu
Tl Taliu	Pb Plomu	Bi Bismutu	Po Poloniu	At Astatu

↑ Esti términu apaez nel Diccionariu de l'Academia de la Llingua Asturiana. Ver: metaloide

[1] Esti términu apaez nel Diccionariu de l'Academia de la Llingua Asturiana. Ver: metaloide

[1]