 Parana | |
|---|---|
.jpg) | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Ḷḷena |
| Partíu xudicial | Ḷḷena |
| Tipu d'entidá | parroquia d'Asturies |
| Xeografía | |
| Coordenaes | 43°04′33″N 5°45′03″W / 43.07571°N 5.75074°O |
  Parana Parana (Asturies)  Mapa de les parroquies del conceyu asturianu de Ḷḷena | |
| Altitú | 642 m[1] |
| Llenda con | Cabezón, Las Puentes, Congostinas, Nembra y Murias |
| Demografía | |
| Población | 39 hab. (2020) |
| Porcentaxe | 0.38% de Ḷḷena |
| Más información | |
| Estaya horaria | UTC+01:00 |
 | |
Parana[2] ye una parroquia del conceyu asturianu de Ḷḷena. Ocupa l'estremu centruoriental del conceyu, y llenda: al este, nordeste y sureste col conceyu d'Ayer, al suroeste cola parroquia de Cabezón, al oeste cola de Las Puentes y al noroeste cola de Congostinas. Tien una estensión de 23,33 km² y una población (INE, 2010) de 40 habitantes. Estos repártense ente'l pueblu homónimu (38 habitantes) y les caseríes de Santandrés, que tien dos habitantes, y les de Navidiiḷḷu, La Polea y Viḷḷar, anguaño despoblaes.
El pueblu de Parana ta dividíu en dos barrios, Ḷḷugar de Riba y Ḷḷugar de Baxu, qu'arrodien al nucleu de La Casona, un caserón que ye nomáu tamién L'Hospital, porque cuenten que nelli hebo un albergue pa los caminantes que baxaben de los altos de Pendilla o de los de Payares. El calter principal d'esta casona queda perafitáu cola esistencia d'otru topónimu, Solaviḷḷa, que fala, xunto cola etimoloxía del nome del pueblu, de que'l llugar quiciabes fora, en tiempos, una villa.
- ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
- ↑ «Espediente colos topónimos oficiales de Ḷḷena». BOPA.