Back Joernalis AF Journalist ALS Periodista AN صحفي Arabic صحفى ARZ Jurnalist AZ قزئتهچی AZB Журналіст BE Журналіст BE-X-OLD Tukang berita BEW
Un periodista ye la persona que se dedica profesionalmente al periodismu, en cualesquier de les sos formes, yá sía na prensa escrita, como na documentación fotográfica, radio, televisión o medios dixitales. El so trabayu consiste n'afayar ya investigar temes d'interés públicu, oldealos, sintetizalos, xerarquizalos y publicar. Pa ello recurre a fontes periodístiques fiables y verificables. Asina ellabora los sos artículos, que pueden tomar delles formes pal so espardimientu: oral, escrita, visual.
Esisten dellos principios qu'emponen el llabor del periodista, el principal de los cualos ye'l respetu pola verdá, el rigor na busca de la información fidedigna y verificable. Polo xeneral, considérase bon periodista al que consigue información relevante, curtia y exacta nel menor tiempu posible.
Cola revolución dixital surdieron tres tipos de periodismu: el periodismu tradicional, el periodismu participativu (vistu na llamada Web 2.0, onde los ciudadanos xeneren les sos propies canales de distribución como'l Blogue); y el periodismu ciudadanu, que ye usáu pelos medios tradicionales que soliciten de la ciudadanía compartir colos medios noticies qu'asoceden na so redolada con informes d'audiu, semeyes o videos.