Back Perm (geologie) AF Perm (Geologie) ALS العصر البرمي Arabic Perm dövrü AZ Пермскі перыяд BE Пермскі пэрыяд BE-X-OLD Перм (период) Bulgarian Permian BR Perm (period) BS Permià Catalan
| Permianu | ||||
|---|---|---|---|---|
dómina xeolóxica y sistema (es)  | ||||
| ||||
 | ||||
El permianu[1] o pérmicu[2] ye una división de la escala temporal xeolóxica que pertenez a la Era Paleozoica; esta estrémase en seis periodos de los que'l Permianu ocupa l'últimu llugar siguiendo al Carboníferu. Empezó hai unos 299 millones d'años y acabó hai unos 251 millones d'años.[3][4] Debe'l so nome a la ciudá rusa de Perm, llugar onde'l xeólogu inglés Roderick Murchison identificó esti sistema en 1841.
El periodu Permianu guardó la diversificación de los primeres amniotes nos grupos ancestrales de mamíferos, tortúes, lepidosaurios y arcosaurios. El mundu naquel tiempu taba apoderáu por dos continentes, conocíos como Panxea y Siberia, arrodiaos per un océanu global llamáu Panthalassa.
El Permianu, y con él la Era Paleozoica, terminó cola estinción masiva del Permianu-Triásicu, la mayor estinción na historia de la Tierra, na que sumieron el 90% de les especies marines y el 70% de les terrestres.
Nel Permianu hubo importantes cambeos climáticos con un enclín xeneral de climes tropicales a condiciones más seques y grebes. Producióse una contraición de los banzaos. Escastáronse gran cantidá de felechos arborescentes (Lycopodiophyta) y anfibius, que riquíen condiciones húmedes. Los felechos con grana, los reptiles y los reptiles mamiferoides apoderaron los ambientes terrestres. Los glaciares del Carboníferu sobre la rexón polar del sur de Gondwana recularon mientres el Permianu.
Nesi periodu remató la oroxenia varisca debida a la formación del gran continente llamáu Panxea.
| Era[5] | Periodu | Millones años | |
|---|---|---|---|
| Paleozoicu | Permianu | 299,0 ±0,8 | |
| Carboníferu | Pensilvánicu | 318,1 ±1,3 | |
| Misisípicu | 359,2 ±2,5 | ||
| Devónicu | 416.0 ±2,8 | ||
| Silúricu | 443,7 ±1,5 | ||
| Ordovícicu | 488,3 ±1,7 | ||
| Cambrianu | 542,0 ±1,0 | ||
- ↑ Esti términu apaez nel Diccionariu de l'Academia de la Llingua Asturiana. Ver: permianu
- ↑ Esti términu apaez nel Diccionariu de l'Academia de la Llingua Asturiana. Ver: pérmicu
- ↑ Global Boundary Stratotype Section and Point (GSSP) of the International Commission of Stratigraphy, Status on 2009.
- ↑ International Stratigraphic Chart, 2008
- ↑ Los colores correspuenden a los códigos RGB aprobaos pola Comisión Internacional d'Estratigrafía. Disponible nel sitiu de la International Commision on Stratigraphy, en «Standard Color Codes for the Geological Time Scale».