Portsmouth

Portsmouth
Alministración
País	Reinu Xuníu
Nación constitutiva	Inglaterra
Rexón	Sureste d'Inglaterra
Condáu ceremonial	Hampshire
Área (es)	City of Portsmouth (en)
Tipu d'entidá	ciudá
Nome oficial	Portsmouth (en)
Nome llocal	Portsmouth (en)
Xeografía
Coordenaes	50°48′21″N 1°05′14″W / 50.8058°N 1.0872°O
	Portsmouth Portsmouth (Reinu Xuníu)
Superficie	40.25 km²
Llenda con	Waterlooville
Demografía
Población	248 440 hab. (2016)
Porcentaxe	100% de City of Portsmouth (en)
Densidá	6172,42 hab/km²
Más información
Prefixu telefónicu	023
Estaya horaria	UTC±00:00
Llocalidaes hermaniaes	Duisburgu, Portsmouth (es) , Reggio Calabria, Caen, Haifa, Maizuru, Mascate y Sydney
	portsmouth.gov.uk

Portsmouth ye una ciudá d'unos 190.000 habitantes asitiada nel condáu de Hampshire na costa sur d'Inglaterra. La unidá alministrativa forma parte d'un espaciu más ampliu de Portsmouth qu'inclúi Fareham, Portchester, Gosport, Havant (qu'inclúi un gran suburbiu de Leigh Park), Lee-on-the-Solent, Stubbington y Waterlooville, con una población estimada de 442.252 residentes, siendo la decimoprimer mayor zona urbana d'Inglaterra. Foi un notable puertu naval demientres sieglos, ye llar del muelle secu más vieyu'l mundu entá n'usu y de munchos barcos famosos.^{[ensin referencies]}

Portsmouth dexó de ser un puertu militar hai pocos años pero queda un astilleru principal y bas pa la Marina Real Britanica Royal Navy. Hai un puertu comercial que coneuta col continente pa tresporte de persones y mercancíes.

Les más de les atraiciones turístiques de Portsmouth tán rellacionaes cola so historia naval, ente elles: el muséu del Día D y l'astilleru onde s'alcuentren los barcos HMS Victory, los restos del Mary Rose, HMS Warrior y el Muséu de la Marina Real Royal Naval Museum.

En 2005 completóse la construcción d'una torre de 165 metros d'altor nomada Spinnaker Tower, que permite vistes dende 100, 105, y 110 metros sobro'l nivel de la mar.

Otra atraición turística inclúi'l llugar de nacencia de Charles Dickens, Blue Reef Centre un zoolóxicu marín, Cumberland House un muséu d'historia natural, y el castiellu Southsea.

Ye de les poques ciudaes britániques que tien dos catedrales: la catedral anglicana de San Tomás n'Old Portsmouth, y la católica romana de San Xuan Evanxelista, n'Edinburgh Road. Esto ye debíu a cuando se volvió permitir a los católicos restablecer catedrales nel Reinu Xuníu nel sieglu XIX, namás se-yos permitió facelu en llugares onde nun esistiera una catedral anglicana como en Birmingham, Arundel, Southwark, Westminster y Salford. Esta torga foi agora refugada como en Liverpool y Bristol. La catedral católica foi consagrada en 1882, años más sero en 1926, cuando Portsmouth algamó l'estatus de ciudá la ilesia anglicana de San Tomás obtuvo l'estatus de catedral en perxuiciu d'otres ilesies de la ciudá pol so estatus históricu.