Radiu de van der Waals

Radiu de van der Waals
fenómenu físicu
Radiu atómicu

El radiu de van der Waals ye'l radiu d'una esfera sólida imaxinaria emplegada pa modelizar l'átomu.

Como sabemos, los gases reales nun se comporten exautamente como prediz el modelu de gas ideal, pudiendo ser la esviación considerable en dalgunos casos. D'esta miente, por exemplu, los gases ideales nun presenten transiciones de fase llíquida o sólida, independientemente del descensu de temperatura o incrementu de presión al que seyan sometíos.

Una de les modificaciones de la llei de los gases ideales propuesta ye la ecuación d'estáu de van der Waals, qu'introduz dos parámetros a y b obteníos esperimentalmente y que dependen de la natura del gas. El fautor de correición b denomáu volume de esclusión, fai referencia tanto al volume propiu de los átomos como al volume circundante nel que nun pue haber otros porque a esa distancia predominen les fuercies de repulsión ente los átomos del gas (fuercies de van der Waals).

En teniendo conocío'l valor del volume d'esclusión, obteníu esperimentalmente p'axustar la ecuación de van der Waals al comportamientu real del gas, el radiu r pue obtenese de la ecuación:

${\displaystyle b={\frac {16}{3}}\pi N_{a}r^{3}}$

onde:

• N_a ye'l númberu d'Avogadro
• r ye'l radiu de van der Waals.