Reinu de les Dos Sicilies

← Corona d'Aragón ← Reinu de les Dos Sicilies (de 1738 a 21 febreru 1861) → →
estáu desapaecíu
Himnu nacional	Inno al Re (es)
Alministración
Capital	Nápoles Palermo
Forma de gobiernu	monarquía absoluta Monarquía constitucional
Llingües oficiales	italianu Sicilianu Idioma napolitanu
Relixón oficial	catolicismu
Xeografía
Coordenaes	40°48′N 14°18′E / 40.8°N 14.3°E / 40.8; 14.3
Superficie	111900 km²
Llendaba con	Estaos Pontificios
Demografía
Población	8 703 000 hab. (1860)
Densidá	77,77 hab/km²
Economía
Moneda	piastra de las Dos Sicilias (es)

El Reinu de les Dos Sicilies (n'italianu; Regno delle Due Sicilie; en napolitanu: Regno d"y Ddoje Sicilie; en sicilianu: Regnu dî Dui Sicili) foi un estáu de la Italia meridional, creáu en 1816, qu'entendió los territorios de los reinos de Nápoles y Sicilia.^[1] Los sos gobernantes fueron miembros d'una caña menor de los Borbones españoles, fundada por Carlos VII de Nápoles y V de Sicilia.

Los antiguos reinos de Sicilia y Nápoles llevaben amestaos a la Corona d'Aragón dende los sieglos XIII y XV, respeutivamente. Col esmembramientu de la Monarquía hispánica nel tratáu d'Utrecht (1713), esos territorios pasaron a dominiu austriacu, pero casi darréu los españoles trataron de recuperalos, dando llugar a la Guerra de la Cuádruple Alianza. Aprovechando la Guerra de Socesión polaca, en 1734, Carlos, l'entós duque de Parma y futuru soberanu, ganó a los austriacos coles tropes del so padre'l rei Felipe V d'España, recuperó estos reinos pa la so dinastía, y foi reconocíu de momentu por Francia en virtú del Primer Pactu de Familia y en 1737 polos Estaos Pontificios y, de siguío, pol restu de los estaos italianos.

A la muerte del so hermanu Fernandu VI d'España, Carlos dexó'l tronu de Nápoles-Sicilia al so fíu Fernandu I de Borbón (IV de Nápoles y III de Sicilia) en 1759 pa poder cinxise la corona española. Fernandu IV de Nápoles, tres el periplu causáu pola Revolución francesa y les Guerres Napoleóniques, tornó al tronu napolitanu y camudó la denominación Nápoles-Sicilia pola de Reinu de les Dos Sicilies en 1816. El so nietu, Francisco II de les Dos Sicilies, perdió'l tronu en 1860, conquistáu por Giuseppe Garibaldi tres la denomada Espedición de los Mil. Con esta conquista, el Reinu de les Dos Sicilies dexó d'esistir como estáu independiente.

1. ↑ Riker, William. «Ottocento Italianu» (italianu). Consultáu'l 31 d'ochobre de 2010.