Back Organisme AF Lebewesen ALS Organismo AN كائن حي Arabic كائن حي ARY كائن حى ARZ জীৱ AS Orqanizm AZ جانلیلار AZB Организм BA
| Ser vivu | |
|---|---|
physical anatomical entity (en)  y oxetu físicu | |
.jpg) | |
 |
Un ser vivu, tamién nomáu organismu, ye un conxuntu d'átomos y molécules que formen una estructura material mui organizada y complexa, na que intervienen sistemes de comunicación molecular, que se rellaciona col mediu ambiente con un intercambiu de materia y enerxía d'una forma ordenada y que fai les funciones básiques de la vida que son la nutrición, la rellación y la reproducción, de tal manera que los seres vivos actúen y funcionen por sí mesmos ensin perder el so nivel estructural.
La materia que compón los seres vivos ta formada nun 95% por cuatro átomos que son el carbonu, hidróxenu, oxíxenu y nitróxenu, a partir de los cualos formense les biomolécules: ácidos nucleicos, las proteínes, los glúcidos y los llípidos. Estes moléculas repítense de siguío dientru de los seres vivos, polo que l'orixe de la vida vien d'un antecesor común va munchos millones d' años sobro la Tierra.
Por tanto, los seres vivos cumplen siete carauterístiques diferenciadoras del restu la materia inorgánica:
- Organización celular: Les unidaes básiques d'un organismu son les célules. Un organismu pue tar compuestu d'una sola célula (unicelular) o por munches (pluricelular).
- Homeostasis: Los organismos caltienen un equilibriu internu, por casu, controlen viviegamente la so presión osmótica y la concentración d'electrolitos.
- Rellación: Ye una reacción ante estímulo esternos y dexa a los seres vivos detectar o llograr información del mediu nel que viven, tomar les decisiones acertaes y ellaborar una respuesta fayadiza pa la so sobrevivencia.
- Metabolismu: Los organismos o seres vivos peracaben enerxía pa convertir los nutrientes en componentes celulares (anabolismo) y lliberen enerxía al descomponer la materia orgánico (catabolismo).
- Desenvolvimientu: Los organismos aumenten de tamañu al adquirir y procesar los nutrientes. Munches vegaes esti procesu nun se llinda a l'acumuladura de materia sinón qu'implica cambeos mayores.
- Reprodución: Ye l'habilidá de producir copies similares de sigo mesmos, tantu asexualmente a partir d'un únicu proxenitor, como sexualmente a partir de siquier dos proxenitores.
- Adautación y Evolución: Les especies evolucionen y afáense al ambiente.