Sistema

Sistema
páxina de dixebra de Wikimedia

Un sistema^[1] (del llatín systēma, y esti del griegu σύστημα sýstēma 'xunta, conxuntu, amestáu') ye un conxuntu de componentes que se rellacionen con siquier dalgún otru componente; puede ser material o conceptual.^[2] Tolos sistemes tienen composición, estructura y redolada, pero solo los sistemes materiales tienen mecanismu, y solo dellos sistemes materiales tienen figura (forma).

Según el sistemismu, tolos oxetos son sistemes o componentes d'otru sistema.^[3] Por casu, un nucleu atómicu ye un sistema material físicu compuestu de protones y neutrones rellacionaos pola interacción nuclear fuerte; una molécula ye un sistema material químicu compuestu d'átomos rellacionaos por enllaces químicos; una célula ye un sistema material biolóxicu compuestu d'orgánulos rellacionaos por enllaces químicos non-covalentes y rutes metabóliques; una corteza cerebral ye un sistema material biolóxicu compuestu de neurones rellacionaes por potencial d'aición potenciales d'aición y neurotransmisores; un exércitu ye un sistema material social y parcialmente artificial compuestu de persones y artefautos rellacionaos pol mandu, el suministru, la comunicación y la guerra; l'aniellu de los númberos enteros ye un sistema conceptual alxebraicu compuestu de númberos positivos, negativos y el cero rellacionaos pola suma y la multiplicación; y una teoría científica ye un sistema conceptual lóxicu compuestu d'hipótesis, definiciones y teoremes rellacionaos pola correferencia y la deducción.

1. ↑ Esti términu apaez nel Diccionariu de l'Academia de la Llingua Asturiana. Ver: sistema
2. ↑ Bunge, Mario. Diccionariu de filosofía, Méxicu, Sieglu XXI, 1999, p. 196.
3. ↑ Ibidem, p. 200.