Sistema de nomes de dominiu

Sistema de nomes de dominiu
estándar d'Internet, espaciu de nomes xerárquicu y protocolu de redes d'ordenadores

El sistema de nomes de dominiu (Domain Name System o DNS, poles sos sigles n'inglés) ye un sistema de nomenclatura xerárquicu descentralizáu pa preseos coneutaos a redes IP como Internet o una rede privada.^[1] Esti sistema acomuña información variada con nomes de dominiu asignaos a caún de los participantes. La so función más importante ye «traducir» nomes intelixibles pa les persones n'identificadores binarios asociaos colos equipos coneutaos a la rede, esto col envís de poder alcontrar y direicionar estos equipos mundialmente.^[2]

El sirvidor DNS usa una base de datos distribuyida y xerárquica qu'almacena información acomuñada a nomes de dominiu en redes como Internet. Magar que como base de datos la DNS ye capaz d'acomuñar distintos tipos d'información a cada nome, los usos más comunes son la asignación de nomes de dominiu a direcciones IP y la llocalización de los sirvidores de corréu electrónicu de cada dominiu.

L'asignación de nomes a direcciones IP ye verdaderamente la función más conocida de los protocolos DNS. Por casu, si la direición IP del sitiu Google ye 216.58.210.163, la mayoría de la xente llega a esti equipu especificando www.google.com y non la dirección IP. Amás de ser más bono de recordar, el nome ye más fiable.^[3] La direición numbérica podría camudar por munches razones, ensin que tenga que camudar el nome del sitiu web. Inclusive, nel casu de qu'una páxina web use una rede de distribución de conteníos (Content delivery network o CDN, poles sos sigles n'inglés) por mediu de la DNS l'usuariu va recibir la dirección IP del sirvidor más cercanu según la so llocalización xeográfica (cada CDN de la mesma tien los sos propios sirvidores DNS).

1. ↑ «El Sistema de nombres de dominio» (castellán) (html). Microsoft TechNet. Archiváu dende l'orixinal, el 12 de abril de 2008. Consultáu'l 16 de julio de 2018. «Sistema de nombres de dominio (DNS) es una base de datos distribuida y jerárquica que contiene asignaciones de nombres de dominio de DNS a diferentes tipos de datos, como las direcciones de protocolo de Internet (IP). El sistema DNS le permite usar nombres sencillos como www.microsoft.com, para localizar equipos de forma fácil y otros recursos en redes basadas en TCP/IP. DNS es un estándar del Grupo de trabajo de ingeniería de Internet (IETF).»
2. ↑ «Comment fonctionne Internet?» (francés) (html). progresser en informatique. Archiváu dende l'orixinal, el 16 de xunetu de 2018. Consultáu'l 16 de xunetu de 2018. «Afin que chaque serveur puisse être identifié et atteint, ils possèdent tous une adresse IP unique, comme votre lieu de domicile ou votre numéro de téléphone. Comme une adresse IP est difficile à retenir (par ex.: 216.27.69.178), nous leur donnons aussi un nom, comme google.com, facebook.com, etc. Dans le jargon, ce nom s’appelle un nom de domaine ou une adresse URL. (...) Votre ordinateur envoie une requête à votre fournisseur d’accès à Internet (Swissco, Free, etc.) et ce dernier va router (transmettre) votre demande à un serveur DNS (Domain Name Server) qui à son tour va faire correspondre le nom de domaine que vous avez demandé à son adresse IP unique afin de pouvoir rediriger votre demande initiale vers le serveur Google adéquat dont l’adresse IP correspond au nom de domaine google.com»
3. ↑ «Consulta DNS desde CMD». Archiváu dende l'orixinal, el 8 d'avientu de 2015. Consultáu'l 26 de payares de 2015.