Socotra

Socotra
سقطرى (ar)
Situación
País	Yeme
Gobernación	Gobernación de Socotra
Tipu	islla
Parte de	Socotra
Asitiáu en	Mar Arábigu
Coordenaes	12°31′N 53°55′E / 12.51°N 53.92°E / 12.51; 53.92
Socotra Socotra (Yeme)
Datos
Altitú media	1503 m
Superficie	3796 km²
Población	42 842 (2005)
Fusu horariu	UTC+03:00
Llonxitú	132 km

Socotra o Socotora (n'árabe سقطرى Suqutrah) ye un pequeñu archipiélagu formáu por cuatro islles nel Océanu Índicu, enfrente les costes del Cuernu d'África, a 250 km al este del cabu Gauardafui y a unos 350 km al Sureste de les costes de Yeme, qu'alministra Socotra en nome del Sultanatu de Mahra y Socotra.

L'archipiélagu consiste nuna islla montañosa principal, Socotra (3.625 km²) y tres islles más pequeñes, conocíes como "Los hermanos", Abd Al Kuri, Samha, Darsa, más otros pequeños isllotes ensin población. Abd Al Kuri y Samha sumen una población d'unos pocos cientos de persones, mentanto que Darsa ta erma. La principal ciudá ye Hadiboh (43.000 habitantes en 2004).

El clima, en xeneral ye desérticu semidesérticu tropical, con poques lluvies, concentraes nel iviernu y más abondantes a mayor altor que nes estayes costeres. Socotra tien tres menes de terrenos principalmente: estrenches planicies costeres, una meseta caliar con cueves cárstiques y los montes Haghier. El clima ye fuertemente monzónicu, de xunu a setiembre. Tradicionalmente, la islla yera inaccesible pola mor de les ventolaes y el mal folax. En xunetu de 1999 ficieron un nuevu aeropuertu que permite l'accesu a Socotra demientres tol añu.