Tasmania ye un estáu d'Australia, que s'alluga n'Oceanía. L'estáu ta compuestu pola totalidá de la islla de Tasmania xunto con delles pequeñes islles axacentes y alcuéntrase a 240 km al sureste del continente, dixebrada pol estrechu de Bass. Tasmania tien una población de 516.600 habitantes y una área de 68.332 km². La so población aborixe foi esterminada mientres el Xenocidiu de Tasmania (eufemísticamente llamada Guerra Negra), entráu'l sieglu XIX.
La capital y ciudá más grande ye Hobart, qu'inclúi les ciudaes de Hobart, Glenorchy, y Clarence. Otres ciudaes son Launceston nel norte, y Burnie nel noroeste.
