Back وادي سنترال Arabic Каліфарнійская даліна BE Централна калифорнийска долина Bulgarian Vall Central de Califòrnia Catalan دۆڵی ناوەندی CKB Centrální údolí (Kalifornie) Czech Kalifornisches Längstal German Κεντρική Κοιλάδα (Καλιφόρνια) Greek Central Valley (California) English Kalifornia Centra Valo EO
| Valle Central de California | |
|---|---|
 | |
| Situación | |
 | |
| País |  Estaos Xuníos |
| Estaos |  California |
| Tipu | valle |
| Asitiáu en | Ríu Sacramento |
| Coordenaes | 37°42′22″N 120°59′29″W / 37.706111111111°N 120.99138888889°O |
  Valle Central de California Valle Central de California (los EE.XX.) | |
| Datos | |
 | |
El Valle Central de California (n'inglés Central Valley) ye una llanura qu'ocupa l'interior del estáu norteamericanu de California. Estiéndese de forma paralela a la costa del océanu Pacíficu, de la que lu separten les cordeleres costeres de California (California Coast Ranges), en sentíu norte-noroeste a sur-sureste, con un anchor d'ente 60 y 100 km y un llargor de 720 km y una estensión d'alredor de 47.000 km², el 11% de la superficie total del estáu. Ye la rexón agrícola más importante del estáu y una de les más productives del mundu; colléchense nella más de la metá de les frutes, verdures y frutos secos de los Estaos Xuníos. Nelli hai más de 28.000 km² de tierra regaos por una rede de canales y banzaos, y delles ciudaes importantes: Sacramento, capital del estáu, y tamién Chico, Redding, Stockton, Modesto, Fresno y Bakersfield.
La conca del Valle Central abarca 160.000 km², la tercera parte del territoriu californianu. Consiste en trés sistemes fluviales estremaos: el valle de Sacramento, húmidu, al norte; el valle de San Joaquín, más secu, al sur; y la conca del llagu Tulare, de clima semidesérticu, nel estremu más meridional. Los ríos Sacramento y San Joaquín recueyen les agües de les sos respectives conques, y axúntense dempués pa formar el delta del Sacramento-San Joaquín, una gran estensión de canales, pantanos, xunqueres e islles de turba que desemboca na badea de San Francisco. Les agües de la conca del llagu Tulare nun lleguen, sacante les agües del ríu Kings que tán canalizaes artificialmente pal riegu), de forma espontánea al mar: tán coneutaes por canales artificiales col ríu San Joaquín, magar que podríen desaguar espontáneamente nelli si'l nivel de l'agua fuera altu abondo.
El valle abarca, total o parcialmente, la estensión de 19 condaos: los de Butte, Colusa, Glenn, Fresno, Kern, Kings, Madera, Merced, Placer, San Joaquin, Sacramento, Shasta, Solano, Stanislaus, Sutter, Tehama, Tulare, Yolo y Yuba.