Back Woiwodskap Masowië AF Voivodato de Mazovia AN Masofia voivodscip ANG محافظة مازوفيا Arabic محافظة مازوفيا ARZ Mazovets voyevodalığı AZ ماسووی اوستانی AZB Voivodeship Mazowieckie BAN Мазавецкае ваяводства BE Мазавецкае ваяводзтва BE-X-OLD
El Voivodatu de Mazovia o Provincia de Mazovia (en polacu województwo mazowieckie) ye'l mayor y más pobláu de los 16 voivodatos, o provincies, nos que se divide Polonia de magar la reforma alministrativa de 1999. Ocupa una superficie de 35.579 km² de la fastera centruoriental de Polonia, y tien una población de 5.324.500 habitantes. Les sos ciudaes principales son Varsovia (1.479.000 habitantes), capital del voivodatu y del país, Radom (226.000 hab.) al sur, Płock (127.000 hab.) al oeste, Siedlce (77.000 hab.) al este y Ostrołęka (55.000 hab.) al norte.
La provincia creóse, a partir de los antiguos voivodatos de Varsovia, Płock, Ciechanów, Ostrołęka, Siedlce y Radom, el 1 de xineru de 1999. El nome de la provincia recupera'l nome tradicional de la rexón, Mazowsze (Mazovia), magar que la correspondencia nun ye exacta. Asina, la rexón de Radom, al sur del voivodatu, pertenez históricamente a la Pequeña Polonia, mentantu que Łomża y la so redolada, que pertenecieron históricamente a Mazovia, tán integraos anguaño nel voivodatu de Podlaskie.
.png)
Mazovia ye'l centru industrial, científicu, d'investigación, d'educación superior y d'infraestructures del país. Ye'l voivodatu con menor tasa de desemplegu, y ye tamién un importante destín turísticu, neto pola so bayura en monumentos que pola so guapura paisaxística; más del 20% del so territoriu ye de viesques de pinos y carbayos, y tien un parque nacional, el de Kampinos, que tien concedida pola UNESCO la categoría de reserva de la biosfera.