Villa Stuck

De Villa Stuck woa urspringle des Atelier und Wohnhaus vom berihmtn Mingara Kinstla Franz von Stuck (1863–1928) im Mingara Stodtei Bognhausn. De Villa is anno 1897/1898 (da Gsamtkomplex is eascht 1915 feati gwen) im neoklassizistischn Baustui baut und seinazeit ois architektonische Sensation gfeiat worn.^[1] Da Entwurf, inklusive Einrichtung, is vom Franz von Stuck. Seit 1992 is de Villa Stuck a Museum vo da Stod Minga: s Museum Villa Stuck. Nebm da Ausstejung vo de Weake vom Franz von Stuck, is aa dees historische Atelier und de Wohnung zan segn. Dazua gibts aa no Sondaausstejunga.

1. ↑ Museum Villa Stuck auf www.villastuck.de. Archiviert vom Original [1] am 25. Septemba 2011; abgerufen am 25. September 2011.