Masigit

Masigit^[1] atawa Musigit^[1] adalah wadah ibadat umat Muslim. Masigit artinya wadah sujut, wan masigit baukuran halus jua disambat musala, langgar, wan surau. Salain wadah ibadat, masigit jua adalah pusat kahidupan kumunitas muslim. Kagiatan-kagiatan parayaan hari ganal, bacangkurah, kajian agama, caramah, wan balajar Al-Qur'an wagil digawi di masigit. Dalam sajarah Islam, masigit umpat mamingkut paranan dalam aktipitas susial kamasarakatan sampai kamilitaran.

1. ^ ^{a b} Abdul Jebar Hapip, Kamus Banjar Indunisia, Cetakan V - Banjarmasin, PT. Grafika Wangi Kalimantan, 2006