Back Franz von Stuck ALS فرانز فون شتوك Arabic فرانز فون شتوك ARZ Frans fon Ştuk AZ Franz von Stuck BAR Франц фон Штук BE Франц фон Щук Bulgarian Franz von Stuck Catalan Franz von Stuck Czech Франц фон Штук CV
Franz von Stuck (23 a viz C'hwevrer 1863 e Tettenweis - 30 a viz Eost 1928 e München) a oa ul livour alaman a vez renket e luskad an arouezouriezh hag e hini an eztaolouriezh.
E Tettenweis, e Bavaria voe ganet, ha studiañ a reas en akademiezh München. Brudet e teuas da vezañ goude bezañ skeudennoù er Fliegende Blätter ha re all da ginklañ levrioù. Azalek 1889 en em ouestlas d'al livañ, ha berzh a reas kerkent ha savet e daolenn gentañ, anvet The Warder of Paradise. A-fet livañ e tiskouezas e oa barrek evit a selle ouzh aozañ e daolennoù, ha lavaret e vez e tenn e oberennoù da gizelladurioù. Lod brasañ e oberennoù a denn d'ar mojennerezh ha d'ar skeudennadurioù. Daoust ma plede gant dodennoù klasel ne oa ket kalsl e zoare da livañ. E varregezhioù a weler en atlet en arem a gizellas : he gwelout a c'haller e Berlin, Budapest hag e Hamburg.
E-touez e daolennoù brudetañ emañ Ar Pec'hed ha Brezel (Pinakothek München), Ar Sfinks, Ar C'hroazstagadur, Ar Gevezerien, Baradoz kollet, Oedipus, Temptadur ha Lusifer.
E 1914 e voe unan eus sinerien Manifesto an 93 kefredour. Daoust dezhañ bezañ bet kelenner en akademiezh e voe ezel ivez eus Sezession München.
