Back Teumesijska lisica BS Guineu teumèsia Catalan Teumessisk ræv Danish Teumessischer Fuchs German Τευμησσία αλώπηξ Greek Teumessian fox English Zorra teumesia Spanish روباه تئومسیان FA Teumessoksen kettu Finnish Renard de Teumesse French
Louarn Teumes (Αλωπεξ Τευμησιος, Alôpex Teumêsios e gregach) a oa ur mell louarn ha ne dlee ket bezañ tapet gwech ebet.
Diwar Ec'hidna, mamm an holl euzhviled, e oa. Debriñ a rae ur paotr yaouank bep miz.
Kaset e oa bet da dud Thebai, a lavared, pe gant Hera pe gant Dionysos (hervez Paosanias), d'o c'hastizañ war-lerc'h un torfed bennak dianav.
Gant Kreon, roue Thebai, e oa bet goulennet ouzh Amfitrion distruj al loen. Un dra dibosubl e hañvale bezañ.
Kavout an tu a reas Amfitrion avat : mont a reas da gerc'hat ar c'hi hud Lailaps, a oa bet krouet evit tapout an holl breizhoù.
Tapet e oa Zeus, mestr ar bed, en e zislavar : ul louarn ha n'hall ket bezañ distrujet hag ur c'hi ha n'hall ket chom hep tapout e breizh. Ret e voe d'an Doue treiñ an daou loen e mein.
Taolet e voent er stered, ha troet Lailaps e Canis Major ha louarn Teumes e Canis Minor.