Narendra Modi

Narendra Damodardas Modi (નરેંદ્ર દામોદરદાસ મોદી e goudjarateg), ganet d'ar 17 a viz Gwengolo 1950 e Vadnagar (Gujarat), zo ur politikour eus India, ezel eus ar Bharatiya Janata Party. Kentañ Ministr India eo abaoe ar 26 a viz Mae 2014^[1] war-lerc'h bezañ bet e penn stad Gujarat etre 2001 ha 2014.

Ezel eo Narendra Modi eus ar strollad Rashtriya Swayamsevak Sangh ha sellet a reer outañ evel unan eus pennoù an emsav broadelour hindou^[2],[3]. Dael zo diwar e benn^[4], abalamour d'an doare ma reas war-dro an taolioù-dispac'h a voe a-enep muzulmiz e Gujarat e 2002^[5] hag abalamour d'e brezeg enep-muzulmat. Meuleudi zo bet roet dezhañ avat evit e bolitikerezh war dachenn an armerzh, rak e-pad e respetad e penn Gujarat ez eus bet lañs forzh pegement gant armerzh ar stad-se^[6], ha pa ne vefe ket bet kement-se a gresk gant live-bevañ an annezidi.

1. ↑ President appoints Narendra Modi as Prime Minister, Oath takinig ceremony on May 26
2. ↑ Divisive Nationalist to Lead Opposition in Indian Vote, The New York Times, 13/09/2013
3. ↑ Yes, I am a Hindu nationalist: Narendra Modi, India Express, 13/07/2013 ; arroudoù "Modi said he described himself as a Hindu nationalist because he was born Hindu: "I am nationalist. I'm patriotic. Nothing is wrong. I am a born Hindu. Nothing is wrong. So I'm a Hindu nationalist so yes, you can say I'm a Hindu nationalist because I'm a born Hindu."
4. ↑ Gujarat leader Narendra Modi grilled for 10 hours at massacre inquiry, The Guardian, 28/03/2010
5. ↑ Controversial Gujarati Premier Confirmed in Office, Forbes, 24/12/2007
6. ↑ [http://www.nytimes.com/2012/02/16/world/asia/16iht-letter16.html Shaking Off the Horror of the Past in India, The New York Times, 15/02/2012