Back Abergavenny AST Абъргавени Bulgarian Abergavenny (lungsod) CEB Abergavenny Czech Y Fenni CY Abergavenny Danish Abergavenny German Abergavenny English Abergavenny Spanish Abergavenny EU
| Anv ofisiel | Abergavenny, Y Fenni  |
|---|---|
| Anv er yezh a orin | Y Fenni |
| Stad | Rouantelezh-Unanet |
| E tiriad | Sir Fynwy |
| Kontelezh istorel | Monmouthshire |
| War ribl | Wysg |
| Daveennoù douaroniel | 51°49′59″N 3°1′2″W |
| Aotrouniezh | Abergavenny Town Council |
| Gevellet gant | Östringen, Sarno, Beaupréau |
| Kod-post | NP7 |
| Lec'hienn ofisiel | http://www.visitabergavenny.co.uk/ |
| Kod pellgomz an takad | 01873 |
| Daveennoù an Ordnance Survey | SO295145 |
Y Fenni (pe Abergavenny e saozneg) zo ur gêr vihan eus Sir Fynwy, e gevred Kembre. Emañ 25 km er c'hornôg da Drefynwy ha tost da 10 km er mervent d'an harzoù etre Kembre ha Bro-Saoz. Lesanvet e vez "Porth i Gymru" pe "Gateway to Wales" (dor Kembre).
Poblet e oa Y Fenni gant 10 078 a dud e 2011, ha 9,7% anezho a oa kembraegerien.
Evel m'en diskouez an anv saoznek emañ ar gêr e kember div stêr, ar Gafenni hag ar Wysg. Tro-dro d'Y Fenni ez eus torgennoù a dap tost da 600 m uhelder hag a zo uhelennoù diwezhañ aradennad ar Bannau Brycheiniog, er reter.
En amzer an Impalaeriezh Roman e oa Y Fenni ur greizenn a bouez dija, er vro annezet gant pobl ar Silures. Diwezhatoc'h, er Grennamzer, e teuas da vezañ ur gêr a bouez evit ar c'henwerzh, war harzoù Kembre. Gwelet a reer c'hoazh dismantroù ur c'hastell savet da vare donedigezh an Normaned.
En Y Fenni e voe aozet Eisteddfod Vroadel Kembre e 1838, e 1913 hag e 2016. E-skeud Eisteddfod 1838 e voe aozet ur C'hendalc'h Etrekeltiek, gant tud deuet eus Breizh evel Kervarker, kalz a-raok ma voe roet lañs da vat d'ar C'hendalc'hioù Keltiek.