Emilio Oribe

Emilio Oribe
Ganwyd	13 Ebrill 1893  Melo
Bu farw	24 Mai 1975, 25 Mai 1975  Montevideo
Dinasyddiaeth	Wrwgwái
Alma mater	Universidad de la República
Galwedigaeth	meddyg, bardd, athronydd, academydd
Cyflogwr	Universidad de la República
Gwobr/au	Gran Cruz de la Orden del Mérito Civil, Q121537149

Bardd, beirniad llenyddol, ac ysgrifwr o Wrwgwái yn yr iaith Sbaeneg oedd Emilio Oribe (1893 – 1975).

Ganwyd ym Melo, ac astudiodd feddygaeth ym Montevideo, er na aeth erioed yn feddyg. Aeth i Frwsel i fod yn swyddog gwyddonol yn llysgenhadaeth Wrwgwái. Cyhoeddodd ei gyfrol gyntaf o farddoniaeth, Alucinaciones de belleza, yn 1912. Dychwelodd i Wrwgwái i addysgu athroniaeth a gweithio i'r Cyngor Addysg Cenedlaethol. Dylanwadwyd ar ei farddoniaeth a'i ysgrifau gan athronwyr Groeg yr Henfyd a'r Oesoedd Canol, fel y gwelir yn Transcendencia y platonismo en poesía (1948) a Tres ideales estéticos (1958). Ymhlith ei weithiau eraill mae Teoría del nous (1934), Fugacidad y grandeza (1941), El mito y el logos (1945), La medusa de Oxford (1950), Ars magna: Poemas (1950), ac Antología poética (1965).^[1]

1. ↑ (Saesneg) William H. Katra, "Oribe, Emilio (?–1975)" yn Encyclopedia of Latin American History and Culture (Gale, 2008). Adalwyd ar 28 Ebrill 2019.