Back Европа AB Iërupa ACE Еуропэ ADY Europa AF Europa ALS አውሮፓ AM Europa AN Europe ANG Yurop ANN यूरोप ANP
 | |
| Math | part of the world, cyfandir  |
|---|---|
| Enwyd ar ôl | Ewropa |
En-us-Europe.ogg, Fr-Europe.ogg, Lb-Europa.ogg, Eo-Eŭropo.ogg | |
| Poblogaeth | 744,831,142 |
| Cylchfa amser | Europe/Athens, Europe/Brussels, Ewrop/Llundain, Kaliningrad Time, Ewrop/Moscfa |
| Daearyddiaeth | |
| Rhan o'r canlynol | Ewrasia, Ostfeste, y Ddaear, Affrica-Ewrasia |
| Arwynebedd | 10,186,000 km² |
| Yn ffinio gyda | Asia |
| Cyfesurynnau | 48.690959°N 9.14062°E |
 | |
Un o'r saith cyfandir yw Ewrop. Mae o'n gyfandir o safbwynt diwylliannol a gwleidyddol yn hytrach nag o ran daearyddiaeth ffisegol. Yn ffisegol ac yn ddaearegol, mae Ewrop yn isgyfandir neu'n benrhyn mawr, sy'n ffurfio'r rhan fwyaf gorllewinol o Ewrasia. Tua'r gogledd ceir Cefnfor yr Arctig, i'r gorllewin Cefnfor Iwerydd ac i'r de ceir y Môr Canoldir a'r Cawcasws. Mae ffin Ewrop i'r dwyrain yn amhendant, ond yn draddodiadol ystyrir Mynyddoedd yr Wral a Môr Caspia i'r de-ddwyrain fel y ffin dwyreiniol. Ystyrir y mynyddoedd hyn gan y rhan fwyaf o ddaearyddwyr fel y tirffurf daearyddol a thectonig sy'n gwahanu Asia oddi wrth Ewrop.
Ewrop yw'r cyfandir lleiaf ond un yn nhermau arwynebedd, ac mae ganddo tua 10,790,000 km² (4,170,000 mi sg) neu 7.1% o arwynebedd y Ddaear, gydag Awstralia yn unig yn llai na hi. Yn nhermau poblogaeth, dyma'r trydydd cyfandir mwyaf (mae poblogaeth Asia ac Affrica yn fwy). Mae gan Ewrop boblogaeth o 744,831,142 (2024)[1], neu tua 11% o boblogaeth y byd.