Back حداثة أدبية Arabic Lliteratura modernista AST সাহিত্যিক আধুনিকতা Bengali/Bangla Modernisme anglosaxó Catalan Modernismus (literatura) Czech Angloamerikanischer Modernismus German Literary modernism English Modernisma literaturo EO Literatura modernista Spanish Modernistlik kirjandus ET
 T. S. Eliot, un o brif lenorion Modernaidd yr 20g. | |
| Math o gyfrwng | mudiad llenyddol  |
|---|---|
| Rhan o | moderniaeth |
 Ffeiliau perthnasol ar Gomin Wicimedia | |
Mudiad llenyddol a ddatblygodd yn nechrau'r 20g fel un o brif ffurfiau Moderniaeth yw llenyddiaeth Fodernaidd a nodweddir gan ymdoriad pwrpasol oddi wrth ddulliau draddodiadol o ysgrifennu barddoniaeth, rhyddiaith ffuglennol, a drama. Ceisiodd llenorion modernaidd archwilio ffurfiau a thechnegau llenyddol newydd i gynrychioli cymhlethdod y profiad o fodernedd a natur ranedig y gymdeithas fodern. Anogodd y bardd Ezra Pound awduron eraill i "Gwneud pethau'n newydd".[1]
Arbrofai llenorion modernaidd â ffurf, arddull, ac ieithwedd, ac ymdrechent i greu strwythurau traethiadol newydd sydd yn adlewyrchu natur ddryslyd a rhanedig bywyd modern. Canolbwyntient hefyd yn aml ar archwilio themâu seicolegol ac athronyddol, megis natur hunaniaeth, ymwybyddiaeth, a dirfod.[2]
Blodeuai Moderniaeth ar draws Ewrop ac Unol Daleithiau America, ac ymhlith y llenorion amlycaf mae T. S. Eliot, Virginia Woolf, James Joyce, William Faulkner, a Franz Kafka. Mae eu gweithiau yn nodedig am ddefnydd dyfeisgar ac arbrofol o iaith, naratifau anghonfensiynol, a themâu cymhleth neu gythryblus.