Llid

Ymateb biolegol gan feinweoedd fasgwlaidd i symbyliadau niweidiol, megis pathogenau, celloedd difrod, neu lidwyr yw llid. Ymgais amddiffynnol gan yr organeb i ddileu'r symbyliadau niweidiol yn ogystal â chychwyn proses iacháu'r feinwe yw hi. Nid yw llid yn gyfystyr â haint, hyd yn oed mewn achosion lle achosir llid gan haint: achosir yr haint gan bathogen aildarddol (exogenous), tra bo'r llid yn ymateb yr organeb i'r pathogen.