Neifion (duw)

Neifion

Enghraifft o'r canlynol	duw dŵr, duwdod Rhufeinig
Rhan o	Dii Consentes
Enw brodorol	Neptunus
Ffeiliau perthnasol ar Gomin Wicimedia

Duw dŵr croyw a'r môr ym mytholeg Rufeinig yw Neifion (Lladin: Neptunus). Mae'n cyfateb i'r duw Groegaidd Poseidon. Y dduwies Salacia yw ei wraig. Mae hithau'n cyfateb i'r dduwies Amphitrite.

Mae'n debyg bod Neifion yn gysylltiedig â ffynhonnau dŵr croyw cyn y môr.^[1] Addolwyd Neifion gan y Rhufeiniaid hefyd fel duw ceffylau, dan yr enw Neptunus Equester, noddwr rasio ceffylau.

Fe'i darlunnir yn aml mewn gweithiau celf o'r cyfnodau'r Henfyd, y Dadeni ac yn ddiweddarach, gyda thryfer a morfeirch.

• 
  Mosäig Rhyfeinig hynafol o Diwnisia sy'n darlunio Neifion gyda'i dryfer mewn cerbyd wedi'i dynnu gan ddau forfarch

• 
  Neifion gyda'i dridant a morfarch: cerflun gan Antoine Coysevox (1604–1720) yn y Louvre, Paris
• 
  Neifion a'i wraig yn eu cerbyd: cerflun Alegori o Forwriaeth gan Albert Hodge (1875–1918) o flaen yr Adeilad Morgannwg ym Mharc Cathays, Caerdydd

1. ↑ Georges Dumézil, La religion romaine archaïque (Paris, 1966), t. 381