Prifysgol Metropolitan Caerdydd

Prifysgol Metropolitan Caerdydd
Arwyddair	Gorau meddiant gwybodaeth
Sefydlwyd	1865 (fel Ysgol Gelf a Dylunio Caerdydd) 1976 (cyfunwyd â thri choleg arall i sefydlu Athrofa Addysg Uwch Morgannwg)
Math	Cyhoeddus
Canghellor	Y Tywysog Siarl, Tywysog Cymru
Is-ganghellor	Yr athro Antony J Chapman[1]
Myfyrwyr	12,000
Myfyrwyr eraill	74
Lleoliad	Caerdydd,  Cymru
Campws	Trefol
Lliwiau
Tadogaethau	Cynghrair Brifysgolion Cymdeithas Prifysgolion y Gymanwlad
Gwefan	www.cardiffmet.ac.uk/cymraeg/Pages/default.aspx

Prifysgol fodern yng Nghaerdydd, Cymru yw Prifysgol Metropolitan Caerdydd (Saesneg: Cardiff Metropolitan University) (adnabuwyd yn flaenorol fel UWIC). Mae'n gweithredu o ddwy campws yng Nghaerdydd: Llandaf ar Rodfa'r Gorllewin, Cyncoed. Mae'n gwasanaethu dros 12,000 o fyfyrwyr. Adnabuwyd fel Athrofa Prifysgol Cymru, Caerdydd. Cadarnhawyd ar 11 Hydref 2011 y byddai'r sefydliad yn newid ei enw i Brifysgol Metropolitan Caerdydd yn unol â'r ymgais llwyddiannus i'r Cyfrin Gyngor am newid enw a gyflwynwyd y llynedd. Daeth yr enw i rym ar 1 Tachwedd 2011.^[2]

Mae Prifysgol Metropolitan Caerdydd yn cynnal cyrsiau mewn celf a dylunio, peirianneg, y gwyddorau, busnes a thechnoleg gwybodaeth, hyfforddiant athrawon, dyniaethau, gwyddorau cymdeithas, iechyd, chwaraeon, twristiaeth a hamdden. Maent yn gwasanaethu israddedigion ac ôl-raddedigion yn llawn ac yn rhan amser, yn ogystal â chynnig nifer o gyfleodd ymchwil.

1. ↑  Professor Antony J Chapman - UWIC Vice-Chancellor & Principal. UWIC. Adalwyd ar 12 Gorffennaf 2007.
2. ↑ Erthygl Golwg360 sy'n sôn am newid enw UWIC