Back The Lady Vanishes (cinta de 1938) AN السيدة تختفي (فيلم) Arabic السيده تختفى ARZ Дамата изчезва Bulgarian Gospođa koja nestaje (1938) BS Alarma a l'exprés Catalan Eine Dame verschwindet German Η Κυρία Εξαφανίζεται Greek The Lady Vanishes English The Lady Vanishes EO
|
C'l artìcul chè 'l è scrit in
Miranduléś |
 The Lady Vanishes
| ||
| La signora scompare | ||
 La Whitty e la Lockwood in na figùra dal film | ||
| La sgnōra la sparìs 1938 | ||
|---|---|---|
| Regìa: Alfred Hitchcock | ||
| Scritōr: Ethel Lina White Sidney Gilliat • Frank Launder | ||
| Atōr: Michael Redgrave • Margaret Lockwood May Whitty • Linden Travers • Naughton Wayne Paul Lukas • Cecil Parker • Basil Radford | ||
| Müsica: Louis Levy • Charles Williams | ||
| Léngua: Ingléś • Tedésc • Francéś • Itagliàṅ | ||
| Dürä dal film: 97 minüt | ||
| Nasiōṅ: Régn Unî | ||
La signora scompare (La sgnōra la sparìs) 'l è 'n film thriller dal 1938, girâ in biànc e négar, 'd Alfred Hitchcock ch'al fà part dal sò perìud ingléś.
'L è trat da 'l rumànś Al mistēr dla sgnóra sparìda dl'Ethel Lina White. In dal 1979 'l è stâ fat 'n arfacimènt americàṅ c'n al tìtul 'd Il mistero della signora scomparsa cun l'Angela Lansbury e Elliott Gould.
Sunt
Un trēn al viàśa da i Balcàṅ vèrs Lóndra ma na valànga la 'l blòca in un vilàǵ spardû in sal muntàggni. La gint l'è custréta a muntàr śò e a 'ndàr in 'n albêrg a pasàr la nòt. Soquànt i èṅ ingléś; a gh'è l’Iris Henderson (Margaret Lockwood), na śóvna fiōla 'd 'n imprendidōr ch'al vénd la marmelàda ch'la s cata là parchè la gh'à da turnàr in dal Régn Unî par spuśàr-as, la Miss Froy (May Whitty), na vècia sgnóra in tailleur ch'l'inséggna mùśica, Caldicott (Naughton Wayne) e Charters (Basil Radford) ch'i gh'àṅ i maròṅ girâ parchè i n gh la cav'raṅ minga a rivàr in tèmp a Manchester par védar na finàl ad cricket, Gilbert, un muśicìsta ch'al và in gir a tiràr śò di cant pupulàr, e dū amànt ch'i n vōlan mia ès'r arcgnusû.
Durànt la nòt, 'n óm al canta n'inserenàda in strada sunànd la sò chitàra. Méntar la Miss Froy la 'l ascólta stand in dla sò cambra, chi lò al veṅ tut 'd un trat strangulâ.
Al dè dòp al viàś al pōl cuntinuàr ma l’Iris la patìs prima 'n incidènt dimóndi periculóś: in dal méntar ch'l'è drē a catàr sù gl'uciài dla Miss Froy, un vaś ad fiōr al casca śò da 'n bancalét dna cà e al và in a risć ad cupàr-la. Par furtùna la s fà sōl un pôc ad mâl e la vècia la gh śibìs ad tōr un thè insém in dal vagòṅ risturànt.
Più tard la ragàsa la ś déśda dòp un piśulèṅ e la n cata piò la sgnóra Froy ch'l'è sparìda cuma s'la n gh fus mai stada.