Uriah Heep

I Uriah Heep egl' în un grùp muśichèl ingléś ed heavy progressive metal mìs in pē a Londra in dal 1969, dòp 'd èsres ciamê The Stalkers e anca Spice dal 1967 al 1969, mèinter che 'l nòm nōṿ al tulìva ispirasiòun dal persunàġ leteràri 'dal David Copperfield ed Charles Dickens. I éren stê dimòndi cgnusû ai inìsi di àn '70.

In di prìm an Estànta al grùp al publichèva dimòndi dìsc cun dimòndi sucès, cuma Demons & Wizards (1972), The Magician's Birthday (1972), u Uriah Heep Live (1973), mo 'l só sucès al calèva già in di an 80, fend-i dvintèr na band apresèda sovertùt dai apasiunê, in di USA e anca in dl' Eròpa. I Uriah Heep i éren stê al prìm grùp ed l' osidèint a ès'r amìs in dla Rùsia sùviètica, anca gràsi a la pulètica 'd Gorbačëv, la glasnost'. In dla só caréra i an vindû 30 migliòun 'd dìsc in tùt al mònd.

Dòp tùt i cambiamèint sucès in dal tèimp in dla furmasiòun edla band, al chitarìsta Mick Box al resta 'l ònic armèś 'dal grùp fin 'dai inìsi e anca al leader.

• 1970 Very 'eavy... Very 'umble
• 1971 Salisbury
• 1971 Look at Yourself
• 1972 Demons and Wizards
• 1972 The Magician's Birthday
• 1973 Sweet Freedom
• 1974 Wonderworld
• 1975 Return to Fantasy
• 1976 High and Mighty
• 1977 Firefly
• 1977 Innocent Victim
• 1978 Fallen Angel
• 1980 Conquest
• 1982 Abominog
• 1983 Head First
• 1985 Equator
• 1989 Raging Silence
• 1991 Different World
• 1995 Sea of Light
• 1998 Sonic Origami
• 2008 Wake the Sleeper
• 2009 Celebration
• 2011 Into the Wild
• 2014 Outsider
• 2018 Living the Dream
• 2023 Chaos & Colour