Betulo

Kiel legi la taksonomion

Betulo

Penda betulo

Biologia klasado

Regno:	Plantoj Plantae
Filumo:	Angiospermoj Magnoliophyta
Klaso:	Dukotiledonoj Magnoliopsida
Ordo:	Fagaloj Fagales
Familio:	Betulacoj Betulaceae
Genro:	Betula

Specioj

30-60 specioj;
vidu teksto

Aliaj Vikimediaj projektoj

Sistematiko en Vikispecioj

Komunejo pri Betulo

v • d • r

La betulo (Betula) estas holarktisa genro el la familio de la betulacoj.

Ĝeneralaĵoj: Betuloj estas "pioniraj specioj" t. e. ili estas la unuaj arboj kiuj kreskas en malriĉaj, malvarmaj terenoj, kaj post ruinigadoj, kiel fajregoj, ili elportas tre malriĉajn grundojn, malvarmajn klimatojn, sed bezonas multe da lumo, do se poste la arbokomunumo riĉiĝas kaj pleniĝas ili malaperas. Ili vivas relative mallonge: ĝis 100 jarojn. En alteco de montaro aŭ en arktaj regionoj, post kie eĉ la pinofitaj arboj ne plu kapablas kreski, restas antaŭ la nura herbejo aŭ Tundro zono de betularbaro.

Ĉefaj specioj: Eŭropo kaj Siberio :

Betula pubescens - lanuga betulo
Betula pendula - penda betulo - kun branĉoj gracie pendiĝemaj
Betula nana - nana betulo - la plej nordekreskanta, apenaŭ arbustalta

Norda Ameriko :

Betula alleghaniensis - alegana betulo
Betula papyrifera (kies arboŝelo utilis al la Indianoj por fari boatojn)
Betula nigra - nigra betulo

Orienta Azio:

Betula platyphylla - orientazia betulo

betulo sur ŝutmonto
betularo en Suomujo
betula aleo en matena nebulo inter Steinheim kaj Kicklingen distrikto Dillingen an der Donau, Germanujo
pendaj betuloj kun aŭtuna foliaro
betulo en eturba vintra pejzaĝo
betuloj sur erikejo en Kalmthout
betuloj proksime de Rodenbostel, Malsupra Saksio, Germanujo