Back Wit mense AF عرق أبيض Arabic Blancu (persona) AST آغ اینسانلار AZB Baltė̄jė BAT-SMG Бели хора Bulgarian Raça blanca Catalan Băh-cṳ̄ng-nè̤ng CDO ХӀукӀайн адамаш CE Katawhang puti CEB
Blankulo estas termino kutime uzata por priskribi homon karakterizitan per hela haŭta koloro, kontraste al paralela koncepto nigrulo, kaj kutime - aparte fine de la 19-a kaj komence de la 20-a jarcentoj - sinonime al "ano de (postulata) kaŭkaza raso". La vorto ne signifas veran blankecon de la haŭto, sed nur nuancan plihelecon kaj kutime servu por priskribi difinitan kategorion de etnaj grupoj.
La plej kutima difino de "blankulo" estas "persono kun videbla grado de prapatroj el Eŭropo".[1] Tamen, la difino de "blankulo" malsamas laŭ geografia kaj historia kunteksto. Variaj sociaj konceptoj de "blankhaŭteco" havis implicojn pri nacia identeco, religio, populacia statistiko, diskriminacio, apartismo kaj rasaj kvotoj (por enmigro en ŝtaton, dungo aŭ alia privilegia rajto). La koncepto aplikiĝis kun variaj gradoj de formaleco kaj logikeco en sociaj sciencoj, politikaj sciencoj, genetiko, biologio, medicino, lingvoscienco, kulturo kaj juro.